Натпреварувањето Young Lions Croatia, кое на младите креативци им нуди прилика да станат најдобри во Хрватска, а потоа и најдобри во светот, оваа година на 2 август на фестивалот Денови на комуникации го претставува Young Lions School , со професори какви што отсекогаш сте посакувале.
Првиот ден на фестивалот Денови на комуникации, за младите креативци на хрватската комуникациска индустрија ќе биде во знакот на враќање на училишните клупи – но не било какви. Young Lions School е целодневна програма на работилници, предавања и менторство со врвни светски експерти, наменета ексклузивно за учесниците на натпрeварувањето Young Lions Croatia, кое ќе се одвива за време на редовната програма на фестивалот Денови на комуникации. Дојде време да ве запознаеме со менторите кои ќе им помогнат на младите “лавови“ да ги усовршат своите вештини и да ја зголемат својата конкурентност.
Директно од Кан стигнува Максимилијан Калед, кој долги години ја води престижната академија Roger Hatchuel Academy. Тој предава и на најдобрите школи за адвертајзинг во светот – Central Saint Martins и Hyper Island (кои некогаш и тој ги посетувал), а оваа пролет ќе можете да го слушате неговото предавање од Кан во опуштената морска атмосфера во Ровињ. Тој ќе го пренесе своето знаење за решавање на секој бриф со брзина на светлината, затоа оставете ги своите очекувања надвор од училницата, бидејќи тие сигурно ќе бидат надминати.
На професорскиот тим им се приклучува жената која со нејзината креативност никој не остава рамнодушен. Станува збор за Мерли Џејми, неуморлива претприемачка, која е навикната да пробива низ најдебелите стаклени плафони во креативната индустрија. Сега е време да ги пробие и сите ваши предрасуди за креативниот процес. Додека целиот свет се грижи поради намалување на концентрацијата на младите луѓе, Мерли открива како да се прилагодиме на оваа ситуација, наместо да работиме по застарени шаблони.
Да влијаете врз животите на милијарди луѓе? Check. Да освоете две Еми награди? Нема проблем. Да соберете толку многу следбеници за да им парирате на големите инфлуенсери на Инстаграм? Тоа е ситница за наградуваниот дизајнер Крис До, за кој што менторирањето на милиони луѓе не е ништо ново, а доаѓа да ве научи како изгледа дизајнот во 21-от век на предавањето кое поттикнува креативни пресврти.
Победниците на Гранд При од изминатите три години на натпреварот Young Lions Croatia, во нивна Q&A session, ќе им ги откријат на младите “лавови“ најдобрите совети и трикови што ги научиле од натпреварувањето Young Lions во Кан. Се работи за Ана Тавиќ и Мартина Укиќ од агенцијата Студио Сонда (Гран При 2019 година) и Фран Мубрин и Матко Бунтиќ од агенцијата 404 (Гран При 2017 и 2018 година), кои ќе им помогнат на потенцијалните добитници на Гран При да се подготват за најголемиот тест за креативност во светот.
Програмата „Young Lions School“ е наменета исклучиво за овогодинешните учесници на натпреварувањето „Young Lions Croatia“, затоа не чекајте да се пријавите и да ја искористете оваа единствена можност за експоненцијален успех – во четврток, 2 април во DK Lounge салата на фестивалот Денови на комуникација. Најуспешните натпреварувачки тимови на овогодинешниот натпревар Young Lions Croatia ќе можат да се претстават себеси и своите проекти пред публиката на Денови на комуникации во Ровињ на 3 април. Ако сте тим од два креативни умови под 30 години, мислите дека би биле брилијантни во решавање на бриф за 24 часа и би добиле животна можност во Кан, пријавете се со помош на онлајн формуларот. Своите апликации можете да ги поднесете до 2 март.
Сите информации за натпреварувањето Young Lions Croatia се достапни на www.danikomunikacija.com.
