Денес, борбата против ширењето и последиците од пандемијата на корона вирусот е приоритетна позиција за владите, јавните организации и компаниите во различни држави ширум светот. Комуникациската индустрија придонесува преку креативни решенија на предизвиците во овие тешки времиња. Во поддршка на индустријата, организаторите на еден од најголемите креативни фестивали во Источна Европа – Меѓународниот адвертајзинг фестивал White Square, кој треба да се одржи од 24 до 26 јуни, одлучија да ги прифатат сите пријавени кампањи против пандемијата на вирусот Ковид-19 во категоријта Change for Good без никаква котизација. Видео и радио реклами, принтови, онлајн кампањи на брендови и непрофитни организации имплементирани во која било држава на планетата се поканети да земат учество. Повикот за пријавување е отворен онлајн на официјалниот веб-сајт adfest.by до 31 мај.
Креативните кампањи можат да бидат пријавени и во неколку други натпреварувачки категории на White Square:
CREATIVE: Film, Print, Radio & Audio, Outdoor, Integrated, Branded Content and Entertainment;
BRANDING: Communication Design, Packaging Design, Digital & Interactive Design;
MARKETING: Brand Experience & Activation, PR, Direct, Innovations;
CREATIVE EFFECTIVENESS;
MEDIA: Channels, Excellence in Media, Media Campaign;
DIGITAL: Digital, Mobile, Creative Data;
CHANGE FOR GOOD.
Во услови на висока конкуренција на пазарот, кога на сите им е потребна инспирација за справување со новите задачи, учесниците на White Square ќе можат да добијат поттик за движење напред и професионално признание од експертското меѓународно жири со цел да го зацврстат своето место на пазарот. Победничките кампањи и агенции ќе бидат нашироко промовирани во индустриските медиуми во повеќе од 30 држави во Европа и Азија, што станува сѐ поважно во заситената онлајн реалност во која живееме.
Повеќе детални информации за фестивалот White Square можат да се најдат на официјалниот веб-сајт adfest.by.
