Агенцијата Saatchi&Saatchi Хрватска, во соработка со Ledo и Frikom, ни носат топла семејна кампања за омилениот сладолед на сите домаќинства Quattro.
Освен фактот што Quattro е идеален семеен сладолед со различни вкусови, тој е повеќе од тоа, а токму тоа го покажува оваа кампања.
Неговото пакување долго време е врска помеѓу оддалечените членови на семејството. Затоа, препознатливата локална практика за користење на кутијата Quattro за други практични цели, како што е складирање и испраќање храна до нашите најблиски чии вкусови потсетуваат на домот, се основната цел на оваа кампања.
Приказната во форма на филм го следи патувањето на една Quattro кутија, полна со домашни колачиња приготвени од баба, од еден осамен остров до урбан центар, односно нејзиното семејство. Никогаш порелевантниот слоган на кампањата „Однеси ме дома“ ја краси оваа емотивна приказна во која сите можеме да се препознаеме.
Исто така, наративот за оваа кампања совршено ги прикажува овие времиња во кои се најдовме, каде што социјалното дистанцирање и растојание се неопходни за нашето здравје и благосостојбата на семејството.
Оние растојанија со кои сите се соочуваме стануваат сè помали, бидејќи Quattro нè поврзува дури и кога сладоледот го нема.
Кампањата е направена за сите регионални пазари, а филмот и сите креативни материјали беа адаптирани во согласност со спецификите на секој од нив.
Креаторите на кампањата посочуваат дека тие се особено среќни затоа што кампањата вклучува општествено одговорна активност; Quattro, во соработка со Црвениот крст и лојалните потрошувачи, им помага на сите семејства во регионот на кои им е потребна помош.
