Во првата фаза ќе бидат потпишани договори со медиумите од три земји, а во втората фаза ќе бидат потпишани договори со медиумите и од другите земjи
Американскиот интернет гигант Google објави дека е подготвен да склучи договори со медиумските куќи на кои за прв пат, компанијата би се обврзала да им исплаќа надохнада за објавување на информативни содржини.
Google со години се обидува да се одбрани од барањата на медиумските компании ширум светот, финансиски да им надохнади за користење на содржини. Посебно гласни во критиките беа медиумите од Европа, пренесува Ројтерс.
„Денес објавуваме програма за набавка на лиценца, врз основа на која ќе им плаќаме на издавачите за квалитетна содржина за потребите на новото „информативно искуство“, планирано за втората половина од годината“, објави Бред Бендер, потпретседателот за вести на Google. “Информативното искуство“ е нов производ на Гугл кој ќе биде лансиран на Google News и Google Discover.
Во првата фаза, Гугл ќе потпише договори со германските медиуми „Der Spiegel“, „Die Zeit“, „Frankfurter Allgemeine Zeitung“ и „Rheinische Post“, со австралиските медиуми „Schwartz Media“,„The Conversation“ и „Solstice Mediа“ и со бразилските медиуми „Diarios Associados“ и „A Gazet“.
Во следната фаза, договорите ќе бидат потпишани и со медиумите од другите земји.
„Енергијата на новинската индустрија е важна, можеби поважна од кога било, затоа што луѓето бараат доверливи информации во време на пандемија и во време на се` поголема загриженост за расната неправда ширум светот“, се вели во блог постот на Гугл.