Брендот за безалкохолни пијалоци Coca-Cola, нераскинливо поврзан со божиќната празнична сезона, ја објави својата најнова празнична реклама со која одбележува 100-годишен јубилеј од лансирањето на својата прва божиќна кампања.
Глобалната кампања насловена „The Letter“ („Писмото“), создадена со помош на креативната агенција Wieden + Kennedy London, ги поттикнува луѓето за овој Божиќ на саканите да им подарат нешто што само тие го можат – самите себе.
Рекламата отпочнува со сцена во која едно девојче му подава на својот татко писмо адресирано до Дедо Мраз, кое тој треба да го прати по пошта на пат кон работа. Меѓутоа, поради работата, тој заборава да го стори тоа. Не сакајќи да го прекрши ветувањето кон својата ќеркичка, тој се решава на радикален чекор – да премине мориња, шуми и планини за да стигне до Северниот пол, каде Дедо Мраз чека со својот брендиран Кока-Кола камион.
Дедо Мраз го качува таткото во камиот и го враќа дома, враќајќи му го назад писмото. Овој го отвора и ја чита праката од својата ќерка – „Драг Дедо Мраз, те молам врати го тато дома за Божиќ“. Мисијата е завршена.
„Оваа година, божиќната сезона треба да биде позначајна од кога било. Како компанија, Кока-Кола ја прославува празничната сезона преку нашиот адввертајзинг уште од 1920-те, испраќајќи воздигнувачки пораки за единство и радост,“ истакнува Крис Робенс од Кока-Кола, додавајќи: „Нашата нова реклама ја рефлектира вистинската магија на Божиќ – нашата голема благодарност за најблиските, чувството на заедништво и нашата потреба, пред сè, да бидеме присутни заедно, едни со други, овој Божиќ.“
