Социјалната мрежа Twitter еволуираше во комплексна дигитална платформа на која луѓето може да споделуваат од тривијални секојдневни работи, па сé до иницијативи за општествени промени. Со цел да ја рефлектира својата компплексна природа, Twitter се одлучи да го „ажурира“ визуелниот идентитет.
Промените беа соопштени од страна на генералната маркетинг директорка на компанијата, Лесли Берланд, преку серија на постови на самата социјална мрежа.
„Почувствувавме дека експресијата на брендот која ја лансиравме пред пет години нецелосно ја рефлектира комплексноста, флуидноста и моќта на разговорите на денешницата. Па така, тимот се соочи со уникатен предизвик: да се изгради креативен систем за иконичниот бренд кој по својот дизајн е комплексен и несовршен,“ објасни Берланд.
Со цел да се прикаже таа „несовршеност“, новите комуникациски материјали на Твитер ќе имаат „гранџ“ ефект со елементи како искината хартија, избледени слики и изгребана типографија.
Твитер исто така го заменува фонтот “Helvetica” со нов, „смел“ фонт од типот sans serif наречен “Chirp”, дизајниран од страна на швајцарското типографско студио Grilli Type.
Платформата ќе го задржи своето лого на птица, при што иконата ќе биде сé повеќе употребувана во нивните комуникации.
Промените на визуелниот идентитет на Твитер ќе бидат забележливи во сите нивни креативи, како видеа, постери, презентации, гиф-анимаци и банери, а некои мали промени ќе бидат направени и во дизајнот на самиот продукт.
We felt the brand expression we launched 5 years ago didn’t fully reflect the complexity, fluidity and power of the conversations today.
So the team embarked on a unique challenge: to build a creative system for an iconic brand that’s complex and imperfect, by design. pic.twitter.com/CZ6KY3cNqw
— Leslie Berland (@leslieberland) January 27, 2021
