Yahoo Answers, популарна „дестинација“ за некои од најчудните и најсмешните прашања на интернет, наскоро ќе биде затворена. Платформата за прашања и одговори ќе биде избришана во мај, објави Yahoo со банер поставен на врвот на веб-страницата.
Од 20 април Yahoo Answers ќе биде достапен само за читање, што ќе ги спречи корисниците да поставуваат нови прашања или да одговараат на теми.
Потоа, од 4 мај, секој што ќе се обиде да пристапи до Yahoo Answers, ќе биде пренасочен кон почетната страница на Yahoo.
Корисниците ќе можат да ги побараат своите податоци до 30 јуни, вклучително и каква било содржина генерирана од корисник, листи со прашања, одговори итн.
Во последните 15 години, Yahoo Answers стана познат по смешните прашања, кои исто така имаа подеднакво забавни одговори.
Анкетите често вклучуваа различни теми, како што се астрономијата (Дали мислите дека луѓето некогаш ќе шетаат по сонцето?), меѓусебните односи (Дали го претворив момчето во вампир?) или митови (Постои ли магија што ќе ме претвори во сирена?)
Компанијата соопшти дека еден од примарните фактори што влијаат на одлуката за исклучувањето е тоа што Yahoo Answers едноставно станал помалку популарен.
