Со цел промоција на својот нов пилешки сендвич Ch’King („Chicken King“), брендот за брза храна Burger King сценира интернет караница помеѓу самиот бренд и персонализираната „љубоморна“ верзија на хамбургерот Whopper т.е. главниот оброк по кој брендот е препознатлив.
Еден ден пред лансирањето на новиот пилешки сендвич (2 јуни), на Твитер се појави профил на Whopper кој почнува да се прашува кој е тој новиот Ch’King? Следните денови можеме да следиме како профилот почнува да биде сé пољубоморен и понервозеен, но на еден навистина комичен начин.
just because some “really good” chicken sandwich comes along you think you’re no longer the home of me?
— The Whopper® (@therealwhopper) June 1, 2021
Кон приказната секако се приклучува и официјалниот профил на брендот Burger King, кој го повикува Whopper да се смири, бидејќи ги „сервира“ сите омилени „деца“ подеднакво.
simmer down, i serve all my favorites https://t.co/bxmud43DAE
— Burger King (@BurgerKing) June 1, 2021
Но, лутиот Whopper оди уште подалеку, заканувајќи се дека ќе ја напушти работата, па дури почнува да им пишува и на профилите на други брендови (Spotify, Hulu, UNO, AXE), лобирајќи за некоја услуга или ново вработување. Брендот за парфеми AXE се приклучи прв кон играта, доделувајќи му позиција на парфем со мирис на Whopper.
it seems you have the right experience. ur hired. pic.twitter.com/uwpo9PcI36
— AXE (@AXE) June 4, 2021
Дали Burger King ќе успее да го смири и задржи гневниот Whopper? :)
Во секој случај, забавен и необичен начин за промоција на нов производ.
