Непрофитната организација International Alliance for Responsible Drinking („Меѓународна алијанса за одговорно пиење“) има за цел борба против негативните ефекти на алкохолот и промовирање на одговорното пиење. Дел од маѓународната организација се и светски гиганти-производители на алкохол како AB InBev, Heineken и Brown-Forman.
Во соработка со организацијата, 13 адвертајзинг и ПР агенции создадоа иницијатива за одговорно огласување на алкохолните производи, резултирајќи со упатство на огласувачки принципи чиј главен фокус е транспарентното спонзорирање на реклами на социјалните мрежи и примената на алатки за потврда на возраста на таргетираната публика.
Меѓу агенциите кои се приклучија кон иницијативата се McCann London, Publicis Groupe, Havas и Dentsu.
Покрај потпишувањето на декларативните заложби, Алијансата на сите алкохолни брендови, огласувачи и онлајн инфлуенсери ќе им обезбеди алатки и видео-насоки за создавањето на одговорни рекламни содржини, кои ќе треба да избегнуваат да изнесуваат тврдења поврзани со здравјето на луѓето, да не промовираат илегална или прекумерена консумација на алкохол или пак негативно да ја позиционираат апстиненцијата од алкохол воопшто.
Збир на заштитни мерки ќе се применува за секоја содржина што вклучува инфлуенсери кои работат со производители на пиво, вино или други алкохолни пијалоци.
Оваа иницијатива се надоврзува на претходните партнерства на Алијансата со социјалните платформи YouTube, Facebook и Snapchat за поефективен скрининг на возраста на лицата кои се изложени на реклами за алкохол.
