Одлична вест за сите љубители на филмската музика е дека стриминг платформата за филмови Netflix и стриминг платформата за музика Spotify се здружија за емитување на официјална филмска музика и подкасти.
Имено, во апликацијата на Spotify е воведен специјална секција посветена на Netflix, наречена The Netflix Hub, каде корисниците ќе може да најдат официјални музички плејлисти, албуми со филмска музика и подкасти поврзани со филмовите на Netflix.
Фановите на Stranger Things, Squid Game, Money Heist, Narcos: Mexico, Outer Banks, Bridgerton и други, отсега натаму ќе можат лесно да ја најдат и слушаат музиката од своите омилни филмски серијали.
Дополнително, Spotify нуди и подкасти кое се однесуваат на Netflix генерално или на некоја нивна серија. Дел од достапните подкасти се: Okay, Now Listen, Netflix Is A Daily Joke, The Crown: The Official Podcast и Behind The Scenes: Shadow and Bone.
The Netflix Hub на Spotify е засега достапен за сите корисници од САД, Канада, Австралија, Обединетото Кралство, Ирска, Индија и Нов Зеланд.
