Социјалната мрежа Twitter воведе нова опција со која корисниците што поседуваат NFT-а (non-fungible tokens) ќе можат да се фалат пред своите следбеници.
Имено, претплатниците кон платената платформа на Twitter, позната како Twitter Blue, ќе можат да ги поставуваат како профилни слики оние NFT-а кои ги поседуваат, кои пак ќе се појавуваат во хексагонално поле наместо стандардниот кружен аватар.
Со цел верификацијата на сопственоста, сопствениците т.е. корисниците ќе треба да го поврзат својот Twitter профил со нивните дигитални „паричници“, каде што ги чуваат своите NFT-а. Тоа ќе се остварува преку платформата OpenSea.
Другите корисници т.е. следбеници ќе може да кликнат на хексагоналните аватари, при што ќе можат да се запознаат подетално со поставениот NFT, вклучувајќи информации за неговиот оригинален креатор и „блокчејнот“ каде е поставен.
Со ова, Twitter станува првата голема социјална мрежа која подготвено го прифаќа растечкиот тренд на „дигитална уметност“.
gm!
You asked (a lot), so we made it. Now rolling out in Labs: NFT Profile Pictures on iOS pic.twitter.com/HFyspS4cQW
— Twitter Blue (@TwitterBlue) January 20, 2022
