Петта година по ред, AdForum го објави својот Business Creative Report – униктен ранкинг на најнаградуваните брендови, кампањи и агенции по индустриски сектори во минатата година.
Извештајот покрива осум категории: Automotive, Finance, Food & Beverages, Health & Beauty, Luxury, Retail, Technology и Transport & Tourism.
Ригорозно компајлиран од резултатите на водечките креативни фестивали и награди ширум светот, се работи за единствениот ранкинг од овој тип. Извештајот им помага на огласувачите и агенциите да го измерат својот креативен импакт во однос на нивните конкуренти во истата индустрија.
По бурната 2020 година, кога фестивалскиот календар беше превртен наопаку, минатата година го посведочивме враќањето на многу креативни натпреварувања. Овогодинешниот извештај на AdForum се заснова на резултатите од 40 водечки креативни фестивали, глобални и локални.
Меѓу нив спаѓаат: Cannes Lions, D&AD, Epica Awards, One Show, Eurobest, LIA, The Andy’s и Shark Awards. Најновото издание исто така ги интегрира и специјализираните награди како: Clio Health, FAB Awards, Best!N Food, Best!N Beauty & Care, Autovision и World Luxury Awards.
Еден од најуспешните брендови беше Burger King, во двете категории “Retail” и “Food”, благодарение на континуираниот успех на “Moldy Whopper” и неколку нови кампањи. Овие кампањи се резултат на соработката со повеќе различни агенции, што уште еднаш потврдува дека огласувач со вкус за креативност води кон создавање на проекти кои освојуваат бројни награди.
Друг успешен добитник е Mastercard, во категоријата “Finance”, чија кампања “True Name” создадена во соработка со McCann New York резонираше со жири-комисиите ширум светот.
Најнаградуваните кампањи имаат тенденција да ги „кршат“ воспоставените конвенции. Такви примери беа и “Wombstories” на Bodyfarm и AMV BBDO во категоријата “Health & Beauty”, како и “Stay Home Miles Exchange” од Thai Airways и Wunderman Thompson во “Transport & Tourism” (која ги наградуаше клиентите кои не патуваа никаде).
Но, сé уште има простор и за убаво направен филм, каков што беше “Festive” на Burberry и Riff Raff Films, која се најде на врвот на ранкингот за категоријата “Luxury”.
Погледнете ги најмногу наградуваните креативни огласувачи и агенции во секоја категорија на следниот линк.
