Со голема чест и задоволство, организацијата на креативниот фестивал Golden Drum му посака добредојде на Јорг Риоми, генерален креативен директор на Publicis Groupe за Централна и Источна Европа, како најнов член на Golden Drum Hall of Fame – избрана група визионери и сонувачи кои храбро и страсно се бореле за напредокот на креативната индустрија.
Основан во 2010 година, Golden Drum Hall of Fame ги слави оние кои, преку нивната професионална кариера и личен живот, влијаеле на нашите креативни умови и души. Креативни лидери кои нé инспирираа и мотивираа и кои сега нé водат да продолжиме напред во нашите напори.
„Исклучително сум понизен, горд и среќен за приемот во Hall of Fame на фестивалот Golden Drum, најпрепознатливиот и најважниот креативен и огласувачки фестивал во поширокиот регион на Централна и Источна Европа. Имам многу, многу луѓе на кои треба да им се заблагодарам за ова – на сите оние кои веруваа во мене на почетокот и по патот, и на сите неверојатни таленти на Publicis Groupe кои придонесоа да го направиме она што го направивме, заедно. Ако некој би ми го кажал ова кога првпат пристигнав во Романија пред 15 години како млад копирајтер, никогаш немаше да му верувам. За мене, да се приклучам на таков ценет состав на колеги во Hall of Fame е вистинска чест. Исто така е одлична потврда дека во вашата работа, како и во животот, секогаш е од клучно значење да не го слушате просекот, туку да ја работите својата работа со страст, да ризикувате и да се ставате на работ. Затоа што таму е местото каде што се случува магијата“ – изјави Јорг Риоми од Publicis Groupe.
Јорг силно верува дека креативните/огласувачките фестивали се суштински за нашата индустрија бидејќи поставуваат репер за квалитет и наградување на иновациите. Тој има оставено голем белег на фестивалот Golden Drum. Со текот на годините, тој ја инспирираше и ја поттикна нашата креативност како говорник, член на жирито, ја освои титулата „Креативен директор на годината“ и му помогна на Publicis да ја освои престижната титула „Агенциска мрежа на годината“ на Golden Drum 2021. Тој е познат како страствен, вреден и посветен креативен лидер кој верува дека ништо не е невозможно.
Кој е Јорг Риоми?
Јорг Риоми е итало/германски креативен лидер со седиште во Букурешт, Романија.
Како генерален креативен директор на Publicis Groupe за Централна и Источна Европа (ЦИЕ), тој го надгледува креативниот производ на креативните бренд агенции на Групацијата на 14 пазари. Тој е исто така генерален креативен директор на Publicis Groupe Романија и член на Publicis, Leo Burnett и Saatchi&Saatchi Global Product Committee (GPC).
Пред неговата сегашна улога, тој беше дел од Saatchi & Saatchi во Рим, С. Хуан – Порторико, Букурешт, Франкфурт и Берлин, и здружен креативец за неколку мрежни проекти во Мадрид, Амстердам, Париз, Копенхаген, Женева, Брисел, Милано и Њујорк, меѓу останатите.
Тој исто така бил дел од неколку меѓународни жирија, вклучувајќи ги Cannes Lions 2017, Dubai Lynx 2018, London International Awards 2019, One Show 2020, D&AD 2021 година и беше регионален претседател за Европа и глобален судија на Andy’s во 2022 година.
Делата на Јорг имаат добиено повеќе од 300 награди, вклучувајќи повеќе Grand Prix и златни награди на сите големи огласувачки фестивали како што се D&AD, Cannes Lions, One Show, Clio, LIA, Eurobest, Golden Drum и ADC. Тој е особено горд на неговиот „Црн молив“ од D&AD.
Во последниве години, тој беше дел од тимот зад иконската глобална кампања на Бургер Кинг, Moldy Whopper, која беше рангирана за #1 најнаградувана рекламна кампања во светот според рангирањето на WARC за 2021 година.
Пред ова, тој ја предводеше Publicis Романија да ја освои титулата „Агенција на годината“ на Golden Drum во 2016 година.
Под негово водство, креативноста на Publicis Groupe за Централна и Источна Европа беше широко препознаена на водечките светски, регионални и локални натпревари за креативност и ефективност, вклучувајќи ги Cannes Lions, Golden Drum Festival („Агенциска мрежа на годината 2021“), Euro Effie и The Drum Ranking. Локално, агенциите на Publicis Groupe исто така беа рангирани на #1 по Креативност во Романија, Русија, Србија, Латвија и Украина во 2021 година.
Тој беше рангиран на 7-то место како најнаградуван генерален креативен директор во светот според рангирањето на The Drum за 2021 година и „Креативен директор на годината“ на фестивалот Golden Drum, исто во 2021 година.
Тој продолжува да верува во моќта на идеите кои го менуваат светот и дека ништо не е невозможно.
Членови на Golden Drum Hall of Fame по азбучен ред
