Дојде време да се каже збогум на оној кој за многумина од нас беше првиот интернет прелистувач – оригиналниот Internet Explorer.
Од денес, матичната компанија Microsoft ја повлекува апликацијата за Internet Explorer и прекинува секаква поддршка за пребарувачот ширум сите верзии на оперативниот систем Windows 10.
Лансиран пред ското три децении во 1995, Internet Explorer без никаков сомнеж беше главниот прелистувач на своето време, доаѓајќи однапред инсталиран на стотици милиони Windows компјутери ширум светот.
Меѓутоа, во последните години, прелистувачот загуби голем дел од пазарот на сметка на нови прелистувачи како Chrome и Safari, предизвикувајќи ги Microsoft да го создадат новиот Edge како „иднината на Internet Explorer“ со надеж да вратат дел од корисниците.
За оние носталгичните кои сакаат да се присетат на Internet Explorer, апликацијата сé уште ќе работи на некои постари верзии на Windows, како Windows 7 ESU и Windows 8.1.
