На вториот ден од Меѓународниот фестивал на креативноста Cannes Lions 2022, кој се одржува во живо во Кан, Франција, беа доделени наградите во натпреварувачките категории: “Industry Craft Lions”, “Digital Craft Lions”, “Film Craft Lions”, “Design Lions”, “Entertainment Lions”, “Entertainment Lions For Music” и “Entertainment Lions for Sport”.
Во категоријата “Film Craft Lions” биле пријавени 1,711 кампањи, а жирито одлучи да награди 54 од нив, доделувајќи 11 златни, 17 сребрени и 25 бронзени награди. Главната Grand Prix награда беше доделена на кампањата “The Wish” од агенцијата Serviceplan Germany Munich за клиентот Penny.
Од вкупно 661 кампањи кои се пријавиле во категоријата “Digital Craft Lions”, наградени беа 21 кампања со 3 златни, 7 сребрени и 10 бронзени награди. Притоа, Grand Prix наградата отиде на адреса на агенцијата Virtue Worldwide New York за кампањата “Backup Ukraine”.
Во категоријата “Design Lions” се пријавиле 1,058 кампањи, а беа доделени 38 награди: 6 златни, 10 сребрени и 21 бронзени. Grand Prix наградата беше доделена на кампањата “Portuguese (Re)Constitution” од FCB Lisbon за Penguin Books. Тоа е воедно првата Grand Prix награда освоено од агенција од Португалија.
Во категоријата “Industry Craft Lions” се пријавиле 1,134 кампањи, од кои 25 беа наградени со „лавови“, и тоа: 5 златни, 10 сребрени и 9 бронзени. Главната Grand Prix награда беше доделена на кампањата “Hope Reef’” од AMV BBDO London за клиентот Mars Petcare.
Во категоријата “Entertainment Lions“ биле пријавени вкупно 655 кампањи, од кои 25 беа наградени со: 4 златни, 7 сребрени и 13 бронзени награди, додека пак Grand Prix наградата беше доделена на кампањата “Eat a Swede” од McCann Stockholm за клиентот Swedish Food Federation.
Во категоријата “Entertainment Lions for Music“ се натпреварувале вкупно 390 кампањи, од кои 17 беа наградени со 4 златни, 5 сребрени и 7 бронзени награди. Grand Prix наградата беше доделена за музичкото видео “This Is Not America ft Ibeyi” на Residente од Doomsday Entertainment Los Angeles / Sony Music Latin Miami.
Во категоријата “Entertainment Lions for Sport” се пријавиле вкупно 558 кампањи, а наградени биле 22 со 3 златни, 7 сребрени и 11 бронзени награди. Притоа, Grand Prix наградата беше доделена за кампањата “NikeSync” од R/GA London за клиентот Nike.
Во натпреварот за млади креативци “Young Lions”, златна награда во категоријата “Design” беше доделена на Јонас Хјорт и Маркус Махеча од Данска за проектот “MyBeastie® by WWF x Tamagotchi”. Уште една златна награда беше доделена во категоријата “Digital”, и тоа за проектот “Unstereotype Skins” на Џексон Елиот и Вилијам Кампион од Австралија.
