На третиот ден од меѓународниот фестивал на креативноста Cannes Lions 2022 беа прогласени победниците во категориите “Brand Experience & Activation Lions”, “Innovation Lions”, “Mobile Lions”, “Creative Effectiveness Lions”, “Creative Strategy Lions”, “Creative Commerce Lions” и “Creative Business Transformation Lions”.
За наградите во категоријата “Brand Experience & Activation Lions” се натпреварувале вкупно 1,919 кампањи, од кои 57 добија „лавови“: 9 златни, 20 сребрени и 27 бронзени. Grand Prix наградата беше доделена на кампањата “The Unfiltered History Tour” за VICE Media од агенциите Dentsu Creative, Bengaluru / Dentsu Creative, Mumbai / Dentsu Creative, Guragaon. Ова воедно беше втора Grand Prix награда за оваа кампања на годинешниот фестивал, по освојувањето на Grand Prix во категоријата “Radio & Audio Lions”.
Во категоријата “Innovation Lions” биле пријавени вкупно 117 кампањи, а доделени беа четири награди: 1 златна, 1 сребрена и 1 бронзена. Grand Prix наградата беше доделена на кампањата “One House To Save Many” на Leo Burnett Sydney за клиентот Suncorp Group.
Во категоријата “Mobile Lions” биле пријавени 543 кампањи, а доделени беа 21 награда: 3 златни, 7 сребрени и 10 бронзени. Главната Grand Prix награда беше доделена на кампањата “Real Tone – Product Innovation & Global Campaign” за Google од агенциите T Brand Studio, New York / Wieden+Kennedy, Portland / GUT, Miami.
За наградите во категоријата “Creative Effectiveness Lions” се натпреварувале 257 кампањи, а жирито одлучи да додели 21 награда: 5 златни, 6 сребрени и 9 бронзени. Grand Prix наградата беше доделена на кампањата “Contract for Change” од FCB Chicago / FCB New York за клиентот Michelob Ultra.
Во категоријата “Creative Strategy Lions” се натпреварувале 574 кампањи, а 19 од нив беа наградени со: 3 златни, 6 сребрени и 9 бронзени награди. Притоа, Grand Prix наградата беше доделена на кампањата “The Breakaway: The First Ecycling Team For Prisoners” од BBDO Belgium за Decathlon.
Во категоријата “Creative Business Transformation Lions” биле пријавени 158 кампањи, а доделени беа 9 награди: 1 златна, 3 сребрени и 4 бронзени. Grand Prix наградата беше доделена на кампањата “Piñatex” на огласувачите Dole Sunshine Company и Ananas Anam.
За наградите во категоријата “Creative Commerce Lions” се натпреварувале 374 кампњи, а жирито додели 17 награди: 3 златни, 5 сребрени и 8 бронзени. Со Grand Prix беше наградена кампањата “Thighstop” од Leo Burnett Chicago за клиентот Wingstop.
