Огласувачите, агенциите и другите маркетинг комуникациски професионалци имаат уште еден месец за да се пријават за овогодишното издание на креативниот фестивал Golden Drum 2022
Повикот за пријавување на Golden Drum е отворен до 5 август 2022 година, а се прифаќаат сите кампањи што биле емитувани, објавени или имплементирани за прв пат помеѓу 1 септември 2021 и 5 август 2022 година.
Агенции, огласувачи, клиенти, дизајнерски/продукциски куќи, медиумски компании и други креативци од 36 земји се поканети да ги пријават своите креативни дела во четири различни секции: “One-Channel Drum”, “Omni-Channel Drum”, “Craft Drum”, “Creative Business Excellence Drum”, како и специјалната “All Juries Section”.
Нови награди
За овогодишното издание на фестивалот, Golden Drum воведува две нови специјални награди:
Наградата за „Продукциска агенција на годината“ ќе ѝ оддаде признание на најдобрата продукциска компанија која завршила извонредна пред- или постпродукциска работа. Наградата ќе ѝ биде врачена на продуцентската куќа која ќе собере најмногу поени во фестивалската конкуренција.
Наградата за „Дигитална агенција на годината“ ќе ѝ биде доделена на најдобрата дигитална агенција која покажала исклучителна креативност во дигиталниот свет. Наградата ќе ѝ биде врачена на дигиталната агенција која ќе собере најмногу поени во фестивалската конкуренција.
Повеќе информации за наградите на Golden Drum можете да најдете на следниот линк.
Партнерство со Little Black Book
Во 2022 година, Golden Drum го продолжува своето партнерство со Little Black Book. Секој освојувач на Grand Prix на фестивалот ќе биде директно и бесплатно вклучен во The Immortal Awards. Периодот на подобност за The Immortal Awards трае од 1 септември 2021 година до 31 август 2022 година. Компанијата што пријавила победничка кампања добива бесплатно членство во Little Black Book, овозможувајќи им влез во наградите Immortal.
Повторно да ги изградиме изгубените врски!
По долга пауза од реалните искуства, фестивалот е подготвен да ги обнови изгубените врски со силна желба за повторно обединување и повторно разгорување на креативноста. Запамтете го датумот: 28-то издание на Golden Drum ќе се одржи во петок, 23 септември 2022, во Ровињ, Хрватска, како дел од Weekend Media Festival.
Фестивалскиот влез за Golden Drum овозможува следење на програма полна со најновите трендови и креативни сознанија од професионалци, наградна церемонија и луда забава.
Натпревар за млади креативци Young Drummers 2022
Фестивалот Golden Drum и Словенечкото туристичко биро ги покануваат младите креативни таленти ширум светот да се приклучат на годишниот натпревар Young Drummers. Овогодинешниот предизвик е да се дизајнира најдобриот и најкреативниот постер или видео на тема „Еј ти, стани иднината на туризмот!“.
Авторот на најдоброто дело ќе биде награден со награда од 1.000 евра, ќе присуствува на фестивалот и ќе биде истакнат за време на наградната церемонија на 28. Golden Drum. Креативците под 30 години од целиот свет можат да се пријават на натпреварот до 5 август 2022 година.
Предизвикот на овогодинешниот натпревар е да ги поттикне младите за кариера во туризмот. Целта е да се изнајдат креативни решенија кои би покажале дека работата во туризмот е интересна и нуди безброј можности за раст, меѓународни размени и животни искуства.
