Корисниците на платформата YouTube Music отсега ќе имаат можност да создаваат радио станици по свој вкус, доближувајќи се до веќепостоечките слични услуги на Spotify и Apple Music.
При создавањето на „радио станицата“, корисниците ќе можат да изберат до 30 изведувачи чија музика сакаат да ја слушаат и да изберат дали сакаат да слушаат музика само од нив или сакаат таа да влече песни и од слични музичари на нив.
Притоа, платформата нуди можност и за додавање на различни филтри врз основа на различни критериуми, па така, на пример, корисниците ќе може да изберат дали сакаат да слушаат песни кои се „нови“, „брзи“ и „енергизирачки“ или пак „стари“, „спори“ и „релаксирачки“.
Функцијата насловена “Radio Builder” е достапна за сите бесплатни и премиум корисници на YouTube Music, а до неа може да се пристапку преку секцијата “Your music tuner” во корисничкиот интерфејс на платформата.
