Како дел од активностите за промоција на своето безалкохолно пиво, брендот Heineken го претстави „Гејмерскиот фрижидер“ („The Gaming Fridge“) кој истовремено го лади компјутерот и ја одржува температурата на ладното пиво за најдобро играчко искуство.
Претставен по повод Меѓународниот ден на гејмерите на 29 август, уникатниот фрижидер и истовремено компјутерско куќиште ќе може да се освои преку наградна игра која наскоро ќе биде лансирана на бразилскиот пазар.
Уникатниот уред претставува остварување на сонот на секој гејмер, кој во даден момент ќе може да ги прослави своите победи, да наздрави со соиграчите, или да се олади од жешката игра отворајќи ладно шише пиво.
Кампањата е осмислена од страна на креативните агенции Le Pub São Paulo и Le Pub Milan, дел од мрежата на Publicis, во соработка со дизајнерите од Le Garage и дигиталното креативно студио Monogrid.
