Креативната “full-service” агенција DRV од Белград одлучи да ја промени воспоставената практика каде што клиентите ги покануваат агенциите на “pitch” и своите услуги ги понуди на клиентите кои одговараат на нивните „предизвикувачки“ критериуми.
„Сѐ што е потребно е заинтересираните клиенти да нѐ контактираат и да пополнат бриф за потенцијален проект и врз основа на тоа и нашата филозофија на предизвикувачи ќе ги избереме оние со кои сакаме да продолжиме со соработката. Сметаме дека најдобрите креативни решенија се создаваат кога ќе излеземе од воспоставените шаблони и кога клиентите се впуштаат во неочекуваното со агенција која ги споделува нивните вредности“ – објаснува Миладин Стојадиновиќ, виш креативен стратег на агенцијата DRV.
„Со оваа акција и детално испланиран процес сакаме да допреме до вистинските луѓе и брендови кои се подготвени да инвестираат време, пари и енергија во проекти и кампањи кои навистина прават разлика на пазарот“ – додава Здравко Кеврешан, креативен директор во агенцијата.
Дознајте повеќе за регионалниот pitch за предизвикувачи на следниот линк: drv.agency/pitch
