Презентација на Warner Bros.Discovery, проекции од Viaplay Select, потврдено учество од TVP, Beta Film, Mediawan, France Télévisions и многу други. Воведени повеќе сегменти во програмата: NEM Contest и награди, филмот како нова тема за дискусија.
Останува помалку од еден месец до почетокот на NEM Zagreb 2023, а организаторите ја открија целосната агенда на третото издание на настанот исполнето со различни новитети. Одржувајќи се од 6. до 8. декември во Hotel Esplanade во Загреб, програмата на настанот ќе биде богата со говорни сесии, проекции, можности за вмрежување и едукација, како и неколку начини да се оддаде почит на најдобрите телевизиски содржини од Централна и Источна Европа (ЦИЕ). Уште еднаш, NEM Zagreb 2023 ќе им даде можност на креаторите на содржини од земјите во ЦИЕ со низок продукциски капацитет да се поврзат со колегите од земјите со повисок продукциски капацитет. Целта е да се создадат можности за нови проекти, работни места, копродукција, стекнување содржини во и надвор од ЦИЕ, како и инвестиции од европски или светски стримери во оригинални содржини од ЦИЕ.
Натпреварот NEM Contest поддржан од HAVC, замислен како натпревар кој ќе ги наградува најдобрите идеи за сценарио, доби повеќе од 200 апликации за проекти во четири категории: серии со сценарио, долгометражен филм со сценарио, документарен/долгометражен документарен филм, како и формат за забава без сценарио. На NEM Zagreb 2023 ќе биде прогласена и најдобрата телевизиска драма во ЦИЕ. Примени се повеќе од 25 апликации, а некои од силните конкуренти кои се пријавија на конкурсот се BH Telecom, Czech Television, DANSU, Dramedy Productions, Drugi plan, Radio Television of Serbia (RTS), RTV Slovenija, Telekom Srbija и Polish Television (TVP).
Платформата Content Showcase ќе биде искористена од успешните европски продуцентски куќи кои го збогатуваат пазарот на ЦИЕ со нивната содржина, како и победничките проекти од настаните Heart of Europe International TV Festival & Forum и Conecta FICTION & ENTERTAINMENT. Дополнително, Ли Хобс, виш потпретседател на Discovery Networks и Creative Agency за регионот EMEA при Warner Bros Discovery, ќе презентира неколку нови содржини од оваа врвна глобална медиумска и забавна компанија.
Што се однесува до проекциите, HBO Max Europe подготвува ексклузивна проекција на нивниот нов биографски документарец “Apolonia, Apolonia”. Талентираната Аполонија е родена во андерграунд театар во Париз и израснала во заедница на уметници – врвното боемско постоење. Повеќе од 14 години, документарецот го следи уметничкиот и личен раст на една млада девојка во фасцинантна зрела жена и почитувана сликарка. Повеќе детали за документарецот ќе бидат откриени во сесија на прашања и одговори со Ханка Кастелицова, потпретседател и извршен продуцент за документарни филмови при HBO Max Europe.
Исто така, Viaplay Select ексклузивно ќе ја прикажува “Jana – Marked For Life”. Се работи за криминална драма од шест дела што е адаптирана од серијата на најпродавани романи на Емели Шеп, во режија на номинираните за Оскар Феликс Хернгрен (познат по “The 100-Year-Old Man Who Climbed Out the Window and Disappeared”) и Хенрик Бјорн (познат по “Jordskott”). Фокусот е на обвинителката Јана Берзелиус, која открива застрашувачка врска со нејзините мрачни тајни откако ќе биде убиен највисокиот шведски службеник за миграција. Колку долго ќе може да го крие својот минат живот како дете-војник и машина за убивање?
Панели кои се движат од филм до вештачка интелигенција, гејминг, адаптации на книги и копродукција
Богатството на настанот исто така ќе се прошири со додавање на темата филм во дискусијата, почнувајќи со панелот “How Will the Incorporation of AI Shape the Future of TV and Film Production?”. Ќе бидат отворени многу прашања, како на пример дали вештачката интелигенција може да преземе задачи како што се анализа на сценарија, создавање визуелни ефекти и носење на креативни одлуки во телевизиската и филмската продукција.
Што е правилно направено и кои аспекти на оригиналната продукција во регионот на ЦИЕ што го прават националните радиодифузери се погрешни? Ова важно прашање ќе се постави за време на панелот “CEE FTA Originals on the Global Ma”, спонзориран од TVP.
Културните регулативи кои можат да влијаат на копродукцијата во телевизиската и филмската индустрија ќе бидат дискутирани за време на панелот „Difference Between Corporation-led and State-led Co-production“.
Предизвиците исто така можат да се појават при адаптација на книга во сценарио. Панелот “Book to Screen: Navigating the Unique Challenges of Book Adaptations in Film and TV” е наменет за оние кинематографи кои сакаат да се осигураат дека нивната адаптација ќе го задржи интересот и привлечноста на оригиналната книга.
Во контекст на пречките и тешкотиите со кои се соочуваат апликантите од земјите со низок продукциски капацитет, фокусот на панел-дискусијата “TV series and Creative Europe MEDIA: Our Success Stories!” ќе биде насочен кон предизвиците наметнати од повиците на MEDIA за земји кои делат ограничена територија и неповолни услови за продукција.
Уште еден тренд за кој ќе се дискутира на NEM Zagreb 2023 е брзото спојување на телевизиската индустрија со индустријата за видео игри. Колку се ефективни адаптациите на видео игрите во транзицијата кон телевизиски серии? Панелот насловен “Gaming and TV: A Match Made in Heaven or a Recipe for Disaster?” ќе ги даде сите одговори.
Иднината на копродукцијата меѓу земјите со висока продукција и регионот на Централна и Источна Европа ќе се дискутира за време на панелот “High-production countries and CEE: How Can We Work Together?”.
Со едукацијата како една од целите на секое издание на NEM Zagreb, специјални работилници за врвни студенти кои доаѓаат од неколку регионални универзитети и анализи на сценарија наменети за финалистите на NEM Contest ќе се одржуваат неколку дена пред и за време на главниот настан. Трите дена на NEM Zagreb 2023, исто така, ќе бидат исполнети со различни настани за вмрежување и можности за создавање нови врски и подобрување на тековните – почнувајќи со приемниот настан спонзориран од TVP и копродукцискиот ручек следниот ден поддржан од “Heart of Europe International TV Festival & Forum”. Агендата е исто така исполнета со неколку настани за приватно вмрежување, како што се Private Pitching на Хрватското здружение на независни продуценти и NEM Contest Gathering поддржано од HAVC.
NEM Zagreb 2023 е кофинансиран од Европската Унија, преку потпрограмата Creative Europe MEDIA. Повеќе информации за NEM Zagreb 2023 можат да се најдат на официјалната веб-страницата на следниот ЛИНК.
