Брендот на производи за лична нега Dove лансираше нова кампања со која одбележува 20 години од воведувањето на слоганот „Вистинска убавина“ (“Real Beauty”), истовремено заложувајќи се дека нема да употребува „убавина“ генерирана со вештачка интелигенција во своите огласувачки напори.
Dove смета дека до 2025 година, 90% од содржината што луѓето ја гледаат на интернет ќе биде генерирана од вештачка интелигенција. Оваа шокантна статистика е почетната основа на најновата реклама од „Проектот за самодоверба“ (“The Self-Esteem Project”).
Во новиот спот создаден од независната агенција Soko од Бразил, Dove укажува на стереотипите кај компјутерски генерираните илустрации, редефинирајќи ja убавината во дигиталната ера. Кампањата се фокусира на штетните ефекти што „совршените“ слики можат да ги имаат врз менталното здравје и самодовербата на луѓето. Dove открива дека секоја трета жена чувствува притисок да го промени својот изглед поради она што го гледа на интернет.
Но, она што ја издвојува оваа кампања е нејзиниот проактивен пристап кон ова прашање. Наместо да ја отфрли вештачката интелигенција, Dove се надева дека ќе ја поттикне публиката која би можела да биде љубопитна за технологијата со алтернативни предупредувања кои промовираат разноликост во дигиталните претстави на убавината.
Со препознавањето на неизбежното присуството на вештачката интелигенција во нашите животи, Dove повторно отвора важни дискусии околу стандардите за убавина – било да е тоа онлајн или офлајн.
