Брендирање на гастрономскиот настан „МарсОвца“ организиран од Здружението на занаетчии на Новаља, Туристичката заедница на градот Новаља и градот Новаља на хрватскиот остров Паг.
Агенцијата Bruketa&Žinić&Grey имаше задача да го брендира гастрономскиот настан за Туристичката заедница на Новаља. Примарната цел беше промовирање и зачувување на оригиналната хрватска раса – овцата од Пашки вид. Зачувувањето на видот може да се постигне со поттикнување на неговото одгледување.
Желбата беше и да се стимулира развојот на гастрономската сцена на Новаља и островот Паг и да се реализира синергијата на туристичката заедница и рестораните, во која во преден план би била гастрономската понуда на јадења направени од овците од Пашки вид и посуштински да биде истакнат нејзиниот претсезонски карактер.
Специфичните јадења дизајнирани со креативноста на локалните готвачи и ресторани го разбудија долго заборавеното гастрономско наследство и традиција, при што беше конципирано ново мени кое ќе биде достапно само еден месец во претсезоната. Зошто само тогаш? Бидејќи јагнешкото месо од Паг, сирењето, урдата и сурутката се најслатки во пролет!
Името на настанот е „МарсОвца“ („The SpaceSheep“) бидејќи природното живеалиште на овците Паг е камена пустина слична на оние на Марс. Исто така, во изминатите неколку години, планинарската патека „Life on Mars Trail“ успешно се позиционираше како туристичка атракција во Новаља која собира ентузијасти за трекинг од целиот свет, токму поради пејзажот што наликува на планетата Марс.
Главен носител на визуелниот идентитет е илустрацијата на „МарсОвца“ прикажана како овца со астронаутски шлем, на тој начин евоцирајќи ги тешките услови за живот на овците од Пашки вид. Логото е дизајнирано така што може да функционира независно и на визуелни креативи каде што не е можно да се користат и логотип и илустрација.
Сè започнало со гастрономски настан на 26.4. во Новаља, каде одредени јадења и производи беа претставени на штандови на Плошатадот на базиликата.
Авторски тим:
Туристичка заедница на Новаља
Директорка: Марина Шќиран Ризнер
Здружение на занаетчиите на Новаља
Град Новаља
Агенција: Bruketa&Žinić&Grey
Креативен директор: Давор Брукета
Директор за односи со клиентите: Маша Иванов
Уметнички директор: Леополдина Јовановски
Дизајнер: Тони Буршиќ
Копирајтер: Лара Жучко
Раководител на проектот: Дино Удовиќ
Дизајнер за дигитални медиуми: Ива Марениќ
