Италијанскиот бренд на луксузен накит Bulgari ја лансираше кампањата „Eternally Reborn“ („Вечно препородувани“) со цел промоција на најновите креации во безвременската колекција „Aeterna“.
Кампањата е составена од неколку кратки видеоспотови кои го спојуваат современиот луксуз со трајните вредности на римската архитектура преку филтер на нагласена блескавост.
Глобалната бренд амбасадорка Зендаја го носи ѓерданот Aurea Chandra, ремек-дело изработено од бестежински сфери надополнети со скапоцени дијаманти и слоеви на интригантна мрежа од розово злато, нудејќи една поинаква замисла на класичната креација со исто име.
Во чест на постојаната живост на Вечниот Град, бренд амбасадорката Јифеи Лиу носи беспрекорен накит што ги подигнува стандардите на занаетчиската извонредност.
Третата амбасадорка на брендот, актерката Ен Хатавеј, ни претставува уште еден блескав ѓердан, овој пат со испреплетен дизајн кој го красат тринаесет впечатливи сафири вметнати во бело злато.
Кампањата е создадена во соработка со креативната агенција Anomaly.
