Samsung Galaxy Z Fold6 и Z Flip6 ja носат Galaxy AI на ново ниво

Запознајте ја новата верзија на Galaxy AI, подобрена со уникатниот формат на преклоп од серијата Galaxy Z и поврзаниот екосистем на Galaxy

Galaxy Buds3 Pro носи подобрен звук и комуникација, благодарение на иновативните функции за вештачка интелигенција

Samsung Electronics денеска ги претстави новите Galaxy Z Fold6 и Galaxy Z Flip6, како и безжичните слушалки Galaxy Buds3 и Buds3 Pro на настанот Unpacked во Париз.

На почетокот на оваа година, Samsung зачекори во ерата на мобилната вештачка интелигенција преку моќта на Galaxy AI[1]. Со претставувањето на новата серија Galaxy Z, Samsung го отвора следното поглавје на Galaxy AI, користејќи разновиден и флексибилен формат, осмислен за цела палета на уникатни мобилни искуства. Без разлика дали го користите големиот екран на Galaxy Z Fold, уникатниот FlexWindow на Galaxy Z Flip или целосниот потенцијал на уникатниот FlexMode, новите Galaxy Z Fold6 и Z Flip6 ќе понудат уште повеќе можности за да го искористите максимумот од вештачката интелигенција. Овие уреди, изградени врз историјата на компанијата Samsung во изработка на формати на преклоп, со моќта на Galaxy AI ќе овозможат уникатно интелигентно и отпорно искуство со преклоп и ќе овозможат нова генерација на комуникација, продуктивност и креативност, беше кажано за време на презентацијата.

„Долгата историја на иновации на Samsung ни овозможи водство на полето на мобилните комуникации, како и создавање формат на уред на преклоп и воведување на ерата на мобилната вештачка интелигенција. Исклучително сме задоволни што денес можеме заедно да ги претставиме овие две комплементарни технологии и да отвориме нови можности за корисниците ширум светот“, рече ТМ Рох (TM Roh), претседател и раководител на Mobile eXperience Business во Samsung Electronics. „Нашите уреди на преклоп одговараат на уникатните потреби на секој корисник и сега подобрени со моќта на Samsung Galaxy AI, ни носат невидено корисничко искуство.“

Континуиранте иновации на уредите на преклоп на Samsung ја донесоа досега најтенката и најлесната серија Z, за да биде што е можно поедноставна за носење. Совршено симетричниот дизајн со рамни рабови им дава на уредите префинет изглед, додека новиот сооднос на преклопниот екран на Galaxy Z Fold6 овозможува поприродно искуство на гледање содржина, слично на она кај конвенционалните телефони во форма на плочка. Со подобрувања во дизајнот, новата серија Galaxy Z е уште поиздржлива за побезгрижна употреба. Двојната „шина“ на преклопните шарки сега е поддржана со зајакнат преклопен раб за подобро „апсорбирање“ на надворешните удари. Понатаму, подобрените слоеви на главниот екран помагаат да се намали искривувањето и да се одржи цврстината. Последната генерација на паметни телефони Galaxy Z е, исто така, опремена со напредните Armor Aluminum[2] и Corning® Gorilla® Glass Victus® 2[3], поради што ова е најиздржливата серија Galaxy Z досега.

Покрај доверливоста, големо внимание е посветено и на перформансите на серијата Galaxy Z; Двата уреди се напојувани од Snapdragon® 8 Gen 3 Мобилна платформа за Galaxy[4], најнапредниот мобилен процесор Snapdragon досега, кој го спојува најдоброто од централната, графичката и невронската процесорска единица. Процесорот е оптимизиран за обработка на задачи со вештачка интелигенција и носи подобрена графика, како и генерално подобрени перформанси. Унапреден е и системот за ладење, кој ги подобрува перформансите на уредот благодарение на зголемената единица за кондензациско ладење на Galaxy Z Fold6. Истата технологија беше применета за прв пат на Galaxy Z Flip6.

Galaxy Z Fold6 – Продуктивност на голем екран засилена со вештачка интелигенција

Новиот Galaxy Z Fold6 носи голем број функции и алатки засилени со вештачка интелигенција, кои го подобруваат искуството на голем екран и во голема мера придонесуваат за продуктивност во движење.

Функцијата Помош за белешки (Note Assist)[5]  во апликацијата Samsung Notes нуди преводи, резимеа и автоматско форматирање за полесно правење белешки. Дополнително, новата вградена функција за транскрипција овозможува транскрипти, преводи и резимеа на гласовни снимки, директно во апликацијата Notes. Текстовите зачувани во PDF-датотеки може лесно да се пренесуваат и вградуваат, благодарение на функцијата PDF вграден превод во апликацијата Notes[6], а можно е дури и да се копираат текст, слики и графикони. Исто така, новина е и додадената функција Композитор (Composer)[7] на тастатурата Samsung, која предлага текст базиран на едноставни клучни зборови, како во е-пошта, така и во поддржаните апликации на социјалните мрежи. Во апликациите на социјалните мрежи, особено, Composer може да состави текст што го одразува тонот на корисникот, благодарение на анализата на претходните објави. Дополнително, искуството со пенкалото S Pen[8] добива нова димензија, благодарение на предностите на Galaxy AI на големиот екран на Galaxy Z Fold6. Сосема новата функција Скицирај за слика (Sketch to image)[9] им овозможува на корисниците да создаваат вистински уметнички дела со генерирање на детали за сликата при цртање или скицирање во апликацијата Галерија или на екранот Note.

Galaxy Z Fold6 им овозможува на корисниците да го подобрат начинот на кој работат, играат и добиваат информации, благодарение на долгорочното партнерство помеѓу Samsung и Google. Најновата генерација на апликацијата Google Gemini[10] е целосно интегрирана во новата серија Galaxy Z, нудејќи им на корисниците целосно личен дигитален асистент засилен со вештачка интелигенција. Со едноставно лизгање од работ на екранот или со изговарање „Hey Google“, корисниците можат да го повикаат интерфејсот Gemini кој ќе им помогне да пишуваат, учат или планираат. Gemini е интегриран и во некои од омилените апликации на Google, така што „на брзинка“ може да се организира оптимален план за патување со информации за летови или хотелски резервации во реално време или да се организира истражување на познати места и да се дознае најдобар начин за да се стигне до нив, користејќи Google Maps. Ако корисниците, на пример, сакаат детални информации за музичко видео за K-pop додека гледаат YouTube на големиот екран на Galaxy Z Fold6, тие, исто така, можат да пристапат до интерфејсот Gemini, користејќи поделен екран каде што можат да постават прашање. Доколку се заинтересирани да откријат кој е изведувачот на видеото, сè што треба да направат е да го притиснат копчето „home“ и да заокружат, да го означат или да го допрат екранот, а функцијата Пребарување со заокружување (Circle to Search)[11] ќе пребарува и ќе понуди резултати за момент.

Galaxy AI, исто така, овозможува комуникација без бариери со помош на Galaxy Z Fold6. Целосно ги користи уникатниот формат на двоен екран, со функцијата Преведувач (Interpreter)[12] што доаѓа со нов режим на приказ на дијалогот, така што двете страни можат да го видат преводот на главниот или надворешниот екран, за поприродна интеракција. Функцијата нуди и „еднонасочен“ превод, така што корисниците лесно ќе следат предавања или некоја друга форма на презентација. Функцијата Превод во живо (Live Translate)[13], која ги преведува телефонските повици на уредот во реално време, сега е достапна не само во апликацијата за повици на Samsung, туку и во избрани популарни апликации од трети страни.

Без разлика дали корисниците снимаат, уредуваат или прегледуваат содржина, функцијата ProVisual Engine со вештачка интелигенција на Galaxy Z Fold6 ја носи креативноста на ново ниво. Напредните можности за уредување со помош на функцијата Асистент за фотографии (Photo Assist)[14], на голем екран овозможуваат лесно креирање содржина на професионално ниво. Функцијата Портрет студио (Portrait Studio)[15]  нуди создавање на различни портретни стилови, како што е 3D цртеж или акварел, за уште покреативни можности. Ако корисниците сакаат да го доживеат секој момент подетално, функцијата Instant Slow-mo[16] ви овозможува веднаш да ги забавите видео записите, создавајќи дополнителни кадри за непречено доживување при гледањето. После тоа, тие можат или да ја зачуваат снимката или да ја споделат директно со пријателите и семејството.

Новиот Galaxy Z Fold6, не само што овозможува создавање содржина, туку и нови начини на уживање во неа. Уредот носи подобрено искуство за играње во движење благодарение на моќниот чипсет и 1,6 пати поголемата разладна комора, која овозможува подолго уживање во игрите, без губење на перформансите. Технологијата Ray Tracing овозможува живописна графика на екран со дијагонала од 7,6 инчи[17], кој нуди подобрена осветленост до 2.600 нити, за извонредно гејминг искуство.

Galaxy Z Flip6 – Создавање уникатни искуства, прилагодени на секој корисник

Новиот Galaxy Z Flip6 не само што е дизајниран за преносливост, туку носи и низа нови опции за прилагодување и креативност, така што корисниците можат максимално да го искористат секој момент.

Надворешниот, 3,4-инчен Super AMOLED FlexWindow[18] екран е повторно подобрен и овозможува пристап до функциите со вештачка интелигенција, без потреба од отклопување на телефонот. За комуникација во движење, уредот, исто така, овозможува брзи одговори благодарение на функцијата Предложени одговори (Suggested replies)[19], која ги анализира неодамнешните пораки и го предлага тонот на одговорот. Со Galaxy AI, корисниците ќе можат да го „извлечат“ максимумот од својот џебен уред и да искористат многу од практичните функции прикажани на FlexWindow екранот. Овозможува и пристап до вести или известувања од Samsung Health[20] или избор на следната песна преку виџет апликација за музика. Дополнително, FlexWindow сега нуди поддршка за уште повеќе виџети, како и можност за проверка на информации од повеќе виџети истовремено.

Се разбира, тоа не би бил Galaxy Z Flip без голем број начини на кои корисниците можат да го прилагодат својот уред. Користејќи ја функцијата Photo Ambient[21] засилена со вештачка интелигенција, заднинската слика на екранот може да се менува во реално време, во зависност од времето од денот и временските услови. Корисниците, исто така, можат лесно да изберат униформен изглед со предложениот распоред на екранот, благодарение на анализата на заднинската слика на екранот, на таков начин што ќе можат да ја поместуваат иконата на часовникот или да ја менуваат бојата на рамката, за да биде истакната заднинската слика.

Креативноста продолжува надвор од границите на FlexWindow екранот. FlexCam продолжува да нуди најразновидно искуство со камерата и отвора нови креативни можности. Со новиот режим Auto Zoom[22], FlexCam автоматски го наоѓа најдобриот кадар од снимката, со автоматско препознавање на предметот и зумирање кон или од него, пред да ги направи потребните прилагодувања. Така, корисниците не мора да избираат помеѓу себе, пријателите или неверојатните снимки во заднина, и сето тоа без да го допрат телефонот.

Новите 50-мегапиксели широки и 12-мегапиксели ултра-широки сензори носат подобрено искуство во фотографирањето, со јасни и остри детали на сликата. Новиот сензор од 50-мегапикселен сензор поддржува двојно зумирање за снимки без бучава, како и AI зумирање за напредно искуство со фотографирање со зголемување до 10x. Функцијата Nightography подобрена со способноста за снимање видео со висок динамички опсег овозможува снимање на одлични видеа, дури и при услови на слаба осветленост и одлично функционира благодарение на заедничкиот развој со популарните апликации на социјалните мрежи. Опцијата за ноќни снимки сега е достапна и во апликацијата Instagram, така што корисниците можат да прават одлични ноќни снимки и да ги споделуваат директно од апликацијата.

Корисниците имаат пристап до сите креативни и прилагодливи функции на Galaxy Z Flip6, без да се грижат за траењето на батеријата, која сега нуди поголема автономија[23] благодарение на хардверската и софтверската оптимизација.

Безбедност на која можете да се потпрете под надзор на корисникот

Galaxy Z Fold6 и Galaxy Z Flip6 се обезбедени од Samsung Knox, повеќеслојна безбедносна платформа развиена за заштита на критичните информации и корисничките податоци од потенцијални закани, благодарение на препознавањето закани на хардверско ниво и заедничката заштита. Во ерата на вештачката интелигенција, посветеноста на Samsung да му овозможи избор на корисникот над поставките на уредот е посилна од кога било; Компанијата им нуди на корисниците целосна контрола врз начинот на кој им дозволуваат на нивните податоци да го подобрат искуството со вештачка интелигенција, преку поставките за Galaxy AI[24]. Како дополнителен слој на заштита, Enhanced Data Protection нуди целосно шифрирање кога корисниците сигурносно копираат, синхронизирааат или обновуваат податоци користејќи ја платформата Samsung Cloud. Новата серија Galaxy Z е поддржана и од широка мрежа на функции за безбедност и приватност на Samsung, вклучително и Knox Vault, Security & Privacy Dashboard, автоматски блокатор, копчиња за пристап, Secure Wi-Fi и Private sharing со помош на функцијата Quick Share.

Продолжување на патот кон одржлива иднина

Најновата генерација на телефони Galaxy Z го поддржува ветувањето на Samsung дека ќе направи повеќе за луѓето и планетата со користење на помалку ресурси и со повторно осмислување на начинот на кој мобилните уреди се дизајнирани и пакувани. Samsung продолжува да ја зголемува употребата на рециклирани материјали со Galaxy Z Fold6 и Galaxy Z Flip6[25], користејќи рециклирано злато и бакар за прв пат[26].

Претходно оваа година, Samsung воведе употреба на рециклирани минерали како кобалт и ретки природни елементи[27] во новата серија Galaxy S24, а истиот пристап е очигледен и во компонентите на Galaxy Z Fold6 и Flip6, вклучувајќи рециклирана пластика, алуминиум и стакло. Новите Galaxy Z Fold6 и Flip6 се испорачуваат во пакување направено од 100% рециклирана хартија, а долговечноста на уредот е поддржана со седум генерации надградби на оперативниот систем и седум години безбедносни надградби[28].

Серија Galaxy Buds3 – проширување на поврзаното искуство преку Galaxy AI

Серијата Galaxy Buds3 носи ново комуникациско искуство, благодарение на моќта на Galaxy AI. Ако, на пример, корисникот слуша предавање на странски јазик, може да ја вклучи функцијата Преведувач (Interpreter)[29] во режим на слушање на Galaxy Z Fold6 или Galaxy Z Flip6 со слушалките Galaxy Buds3 во ушите. На тој начин ќе го слушне преводот на предавањето, директно преку слушалките Galaxy Buds и ќе ја надмине секоја јазична бариера. Исто така, со едноставно кажување два збора преку Voice Command[30], корисниците можат да започнат или прекинат репродукција на музика, без да мора да ги допираат слушалките или поврзаниот телефон. Звукот може и интелигентно да се оптимизира, без оглед на тоа како се носат Galaxy Buds. Микрофоните вградени во овие слушалки во реално време го анализираат звукот во слушалките, како и во околината на корисникот и го подобруваат квалитетот на репродукцијата и го прилагодуваат нивото на активно поништување на бучавата (ANC) преку Приспособлив стабилизатор (Adaptive EQ) и Приспособливо активно поништување на шумот (Adaptive ANC). Додека слушате музика, Galaxy Buds3 Pro постојано ќе го собира и анализира звукот во околината на корисникот и автоматски ќе го приспособи најдоброто ниво на бучавата и звукот без потреба од рачно прилагодување, благодарение на функциите Приспособлива контрола на шум, детекција на  сирена и детекција на глас (Adaptive Noise Control, Siren Detect и Voice Detect)[31].

Направена со користење на многу собрани статистички податоци, серијата Galaxy Buds3 носи нов компјутерски дизајн, кој овозможува исклучително удобно носење. Премиум дизајнот на рачката за слушалките одговара на барањето на корисникот за елегантен и модерен облик, кој е надополнет со Рабно светло (Blade Lights)[32]. Новиот дизајн овозможува подобрено тактилно корисничко искуство, имајќи предвид дека слушалките лесно се користат со едноставно „штипкање“ или лизгање на рачката, нудејќи на тој начин практичност и вкусна естетика во исто време. Galaxy Buds3 и Buds3 pro нудат две наменски форми; Galaxy Buds3 Pro се наменети да се носат вметнати во ушниот канал за оние кои сакаат побогато звучно искуство, додека Buds3 се отворени, за оние корисници кои сакаат да ги користат слушалките во различни средини и подолг временски период.

Galaxy Buds3 Pro се опремени со напреден хардвер, за премиум аудио искуство. Тие се одликуваат со напредни двонасочни звучни единици со планарен „високотонец“ за префинет и прецизен опсег на фреквенции, како и со двојни засилувачи за кристално чист звук во движење. Сега, благодарение на звукот со Ултра висок квалитет[33], кој поддржува двојно зголемена стапка на семплирање со SSC кодек, корисниците можат да слушаат извори со висока резолуција на начин на кој се снимени во тонско студио и да уживаат во секој детал од звукот. Истото ниво на квалитет на звукот е обезбедено за телефонски повици. Со претходно обучен модел базиран на машинско учење, серијата Galaxy Buds3 може да го долови оригиналниот глас на говорникот, во различни бучни средини, притоа обезбедувајќи богат и природен звук на повикот, сличен на висококвалитетниот звук на паметните телефони, благодарение на функција за повици Супер широк опсег (Super-Wideband)[34].

Новата серија Galaxy Buds3, иако овозможува врвно аудио искуство, исто така, таа е дизајнирана да направи повеќе со помалку, за луѓето и за планетата. Galaxy Buds3 и Buds3 Pro имаат неколку компоненти во своето лежиште, како и во самите слушалки, при чија изработка е користена рециклирана пластика добиена од фрлени рибарски мрежи или буриња за вода. Сите слушалки Galaxy Buds3 се спакувани во кутии направени од 100% рециклирана хартија.

Достапност

Новите серии Galaxy Z Fold6, Galaxy Z Flip6 и Galaxy Buds3 се достапни за пред-нарачка во Северна Македонија почнувајќи од денес, 10 јули. Тие ќе бидат достапни во малопродажба од 24 јули.

Купувачите ќе можат да избираат од следните бои: сребрена сенка, розова и темносина за Galaxy Z Fold6 или сребрена сенка, жолта, сина и ментол зелена за Galaxy Z Flip6, така што сигурно ќе најдат боја што одговара на нивниот стил[35]. Galaxy Z Fold6 ќе биде достапен по препорачана малопродажна цена од 119.999 МКД, а Z Flip6 од 71.999 МКД.[36]

Серијата Galaxy Buds3, која се карактеризира со исклучително елегантен, модерен и „носив“ дизајн, е достапна во сребрена или бела боја[37] по препорачани малопродажни цени од 11.499 МКД за Buds3 или 15.999 МКД за Buds3 Pro.[38]

Повеќе информации за Galaxy Z Fold6, Galaxy Z Flip6 и Galaxy Buds3 и Galaxy Buds3 Pro се достапни на страницата https://www.samsung.com/mk/.

###

За Samsung Electronics

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.

Спецификации на уредите

[1] Може да биде потребно логирање на Samsung сметка за користење на одредени Samsung AI функции. Samsung не дава никакви ветувања, уверувања или гаранции за точноста, целосноста или доверливоста на резултатите обезбедени од AI функциите. Достапноста на Galaxy AI функциите може да варира во зависност од регионот/државата, верзијата на OS/One UI, моделот на уредот и операторот. Некои функции може да варираат во зависност од моделот на уредот. Galaxy AI услугата може да биде ограничена за малолетници во одредени региони со ограничувања за користење на AI. Galaxy AI функциите ќе бидат обезбедени бесплатно до крајот на 2025 година на поддржаните Samsung Galaxy уреди. Можат да важат различни услови за AI функции обезбедени од трети страни.

[2] Зајакнат Armor Aluminum е вграден во рамката и зглобот на уредот. Armor Aluminum рамката не ги вклучува копчињата за јачина на звукот и страничните копчиња.

[3] Corning® Gorilla® Glass Victus®2 е вградено на предната и задната страна на уредот.

[4] Snapdragon е трговска марка или регистрирана трговска марка на Qualcomm Incorporated. Брендираните производи со Snapdragon се производи на Qualcomm Technologies, Inc. и/или нејзините подружници.

[5] Функцијата Помош за белешки (Note Assist) бара мрежна конекција и логирање во сметката на Samsung. Достапноста на услугата може да варира во зависност од јазикот. Функцијата за снимање на глас во апликацијата Samsung Notes може да не биде поддржана во некои земји. Функцијата за резимирање се активира кога ќе се достигне одреден број на карактери и е под лимитот на карактери. Аудио датотеките мора да бидат под 3 часа за да се обработат. Точноста на резултатите не е загарантирана.

[6] Вграден превод не е поддржан за PDF датотеки заштитени со лозинка.

[7] Композитор (Composer) бара мрежна конекција и логирање во сметката на Samsung. Достапноста на услугата може да варира во зависност од јазикот. Точноста на резултатите не е загарантирана.

[8] Пенкалото S Pen се продава одделно.

[9] Скицирај за слика (Sketch to image) бара мрежна конекција и логирање во сметката на Samsung. Уредувањето со Скицирај за слика (Sketch to Image) може да резултира со променета фотографија до 12 MP. Видлив воден жиг е поставен на излезната слика при зачувување за да се означи дека сликата е генерирана од AI. Точноста и доверливоста на генерираниот излез не се загарантирани.

[10] Апликацијата Google Gemini бара логирање во сметката на Google. Функционалноста на производот може да зависи од поставките на апликацијата и уредот. Некои функции можеби не се компатибилни со одредени апликации. Достапноста на услугата може да варира во зависност од државата, јазикот и моделот на уредот. Точноста на резултатите не е загарантирана..

[11] Секвенците се скратени и симулирани. Резултатите се само за илустративни цели само. Резултатите можат да варираат во зависност од визуелните поклопувања. Потребна е интернет конекција. Корисниците може да треба да го ажурираат Android на најновата верзија. Функционалноста на производот може да зависи од поставките на апликацијата и уредот. Некои функции можеби не се компатибилни со одредени апликации. Достапноста на услугата варира во зависност од државата и јазикот. Точноста на резултатите не е загарантирана. Функцијата Пребарување со заокружување (Circle to Search) не е достапна преку FlexWindow.

[12] Interpreter бара логирање во сметката на Samsung. Одредени јазици може да бараат преземање на јазични пакети. Достапноста на услугата може да варира во зависност од јазикот. Точноста на резултатите не е загарантирана. Достапноста и поддржаните функции може да варираат во зависност од државата, регионот или операторот. Достапноста на поддржаните јазици може да варира.

[13] Превод во живо (Live Translate) бара мрежна конекција и логирање во сметката на Samsung. Превод во живо (Live Translate) е достапен само на претходно инсталираните Samsung Phone апликации и некои апликации од трети страни. Поддршката може да варира во зависност од регионот. Одредени јазици може да бараат преземање на јазични пакети. Достапноста на услугата може да варира во зависност од јазикот. Точноста на резултатите не е загарантирана.

[14] Функцијата Асистент за фотографии (Photo Assist) бара мрежна конекција и логирање во сметката на Samsung. Уредувањето со функцијата Генеративно уредување (Generative Edit) резултира со променета фотографија до 12 MP. Видлив воден жиг е поставен на излезната слика при зачувување за да се означи дека сликата е генерирана од AI. Точноста и доверливоста на генерираниот излез не се загарантирани.

[15]  Функцијата Portrait Studio бара мрежна конекција и логирање во сметката на Samsung. Поддржува JPG, HEIC (HEIF), BMP и PNG датотеки. Позадината не смее да биде транспарентна. Уредувањето со Generative Portrait резултира со променета фотографија до 12 MP. Видлив воден жига е поставен на излезната слика при зачувување за да се означи дека сликата е генерирана од AI. Точноста и доверливоста на генерираниот излез не се загарантирани.

[16] Функцијата Instant Slow-mo е достапна на Samsung Video Player и Samsung Галерија. Може да не е достапна за одредени типови на видео записи. Точноста на резултатите не е загарантирана.

[17] Големината на главниот екран на Galaxy Z Flip6 е 6,7 инчи мерејќи дијагонално во полн правоаголник и 6,6 инчи кога се земаат предвид заоблените агли; реалната видлива површина е помала поради заоблените агли и отворот за камерата.

[18] Големината на надворешниот екран на Galaxy Z Flip6 е 3,4 инчи мерејќи дијагонално во полн правоаголник; реалната видлива површина е приближно 95% од полниот правоаголен простор поради заоблените агли и долниот изрез. Надворешниот екран на Galaxy Z Flip6 е опремен со сензор за близина и поддржува HBM. Надворешниот екран HBM на Galaxy Z Flip6 има пик светлина од 1600 нити за посветло и појасно прикажување.

[19] Функцијата Предложени одговори (Suggested Replies) за Помош за разговор (Chat Assist) бара мрежна конекција за примање пораки. Може да предложува одговори со или без мрежна конекција откако пораките ќе бидат примени од уредот. Потребно е логирање во сметката на Samsung. Поддржано само од FlexWindow на Galaxy Z Flip6. Достапноста на услугата може да варира во зависност од јазикот и апликацијата. Точноста на резултатите не е загарантирана.

[20] Samsung Health бара мрежна конекција и логирање во Samsung Health. Достапноста на Samsung Health може да варира во зависност од државата. Поддржаните ставки може да варираат во зависност од државата.

[21] Photo Ambient бара мрежна конекција и логирање во сметката на Samsung. Одразот на временските услови во реално време може да биде одложен бидејќи услугата се потпира на локалните ажурирања на информации за времето. Одредени внатрешни, ноќни и нискорезолуциски фотографии може да не бидат компатибилни. Точноста и доверливоста на генерираниот излез не се загарантирани. Услугата е моментално достапна само на Galaxy S24 серијата, Z Flip6 и Z Fold6.

[22] Функцијата Auto Zoom е ограничена во услови со слабо осветлување. Режимот за Auto Zoom ќе се исклучи ако зумирањето се прилагоди рачно или ако се префрли помеѓу предната и задната камера.

[23] Вистинското траење на батеријата варира во зависност од мрежната околина, функциите и апликациите што се користат, фреквенцијата на повиците и пораките, бројот на полнења и многу други фактори.

[24] Потребно е логирање во сметката на Samsung. Поставките за Galaxy AI кои го спречуваат пристапот до серверот ќе ја ограничат функционалноста на некои AI функции. Независно од пристапот до серверот, Samsung не зачувува податоци за влез или излез од корисникот.

[25] За повеќе информации за рециклираните материјали во најновата Galaxy Z серија, како и за другите Galaxy уреди, ве молиме прегледајте ги еколошките извештаи за производот на веб-страницата на Samsung Sustainability.

[26] Златните жици за поврзување во одредени модули на камерата на Galaxy Z Fold6 и Flip6 се направени со 100% рециклирано злато добиено од електронски отпад и остатоци од злато. Покрај тоа, бакарните фолии на главните логички плочи и одредени FPCB се дизајнирани со 100% рециклиран бакар добиен од исфрлени бакарни жици и чипови. Овие мерки се базирани на тежина.

[27] Неодимиум.

[28] Galaxy Z Fold6 и Galaxy Z Flip6 ќе бидат поддржани со седум генерации на надградби на оперативниот систем и седум години на безбедносни ажурирања од глобалниот датум на лансирање.

[29] Аудио интерпретацијата е достапна само кога се носат Buds и се поврзани на Samsung Galaxy смартфон. Функцијата Interpreter не е директно обезбедена од самите Buds. Ако Buds не се достапни, преведената содржина се обезбедува на екранот на вашиот Samsung Galaxy смартфон. Одредени јазици може да бараат преземање на јазични пакети. Достапноста на услугата може да варира во зависност од јазикот, државата, регионот или операторот. Samsung Galaxy уредите може да бараат најново ажурирање на софтверот за правилно поддржување на Galaxy AI функциите.

[30] Поставките за јазик ги следат поставките за системскиот јазик. Менијата за Voice Command се појавуваат кога јазичниот пакет е ист како системскиот јазик. Поддржани јазици во време на лансирање вклучуваат јужно корејски и американско-англиски, а поддршката на јазици ќе биде проширена понатаму.

[31] Функциите за Приспособлива контрола на шум, детекција на  сирена и детекција на глас (Adaptive Noise Control, Voice Detect и Siren Detect) се достапни само на Samsung Galaxy Buds3 Pro. Функциите за Приспособлива контрола на шум, детекција на  сирена и детекција на глас (Adaptive Noise Control, Voice Detect и Siren Detect) се исклучени по дифолт.

[32] Blade Lights е достапна само на Samsung Galaxy Buds3 Pro.

[33] Функцијата Ултра висок квалитет до 24 bit/96 kHz е достапна на Galaxy S24 серијата, S23 серијата, Z Fold6, Z Flip6, Z Fold5, Z Flip5 и Tab S9 серијата со One UI 6.1.1 или понова верзија. Функцијата Ultra High Quality е моментално достапна само на одредени Samsung Galaxy уреди. Дополнителни уреди може да бидат поддржани во иднина.

[34] Функцијата за повици Super-Wideband им овозможува на слушалките да пренесуваат глас до 16 kHz, додека претходните слушалки BT пренесуваат само до опсегот од 8 kHz.

[35] Достапноста на боите за Galaxy Z серијата може да варира во зависност од пазарот, регионот или операторот.

[36] Samsung Electronics Austria GmbH не ги контролира ниту влијае на продажните цени на своите продажни партнери. Продажните партнери на Samsung донесуваат сопствени, индивидуални и независни одлуки за цените.

[37] Достапноста на боите за Galaxy Buds3 серијата може да варира во зависност од пазарот, регионот или операторот.

[38] Samsung Electronics Austria GmbH не ги контролира ниту влијае на продажните цени на своите продажни партнери. Продажните партнери на Samsung донесуваат сопствени, индивидуални и независни одлуки за цените.

р е к л а м а