Италијанскиот пивски бренд Peroni Nastro Azzurro ја комплетираше ревизијата на своето глобално креативно портфолио и како нова креативна агенција ја избра McCann Worldgroup, предводена од канцеларијата во Лондон.
Агенцијата ја презема одговорноста да испорача долгорочна, глобална креативна платформа која ќе послужи како основа за конзистентниот бренд наратив на Peroni Nastro Azzurro на повеќе светски пазари, пред сè во Европа и во Азиско-Пацифичкиот регион.
„Креативно и стратешки, McCann го импресионираше тимот во текот на ригорозниот процес на ревизија и ние сме возбудени што ќе го започнеме ова следно поглавје на раст заедно. Исто така, би сакале да им се заблагодараме на агенцијата Trouble Maker за нивниот ценет креативен придонес кон брендот Peroni Nastro Azzurro во текот на изминатите години“ – изјави Натали Фаф, генерална директорка за раст во Asahi Europe and International (матичната компанија на Peroni).
„Да ни се довери да го предводиме овој неверојатен бренд во неговата следна фаза на развој, го енергизираше и инспирираше целиот наш тим во McCann Worldgroup. Peroni Nastro Azzurro е пијалакот на избор во Италија и ние сме возбудени што ќе се погрижиме тој да ги освои срцата на пивските љубители ширум светот“ – посочува Хавиер Кампопијано, глобален генерален креативен директор на McCann Worldgroup и McCann.
Ревизијата беше спроведена во соработка со консултантската компанија AAR.
