Натпреварот Golden Drum 2024 официјално е во тек, а очекувањата се на највисоко ниво. Пријавувањето на проекти е завршено, а првиот круг на жирирање е веднаш зад аголот – поставувајќи ја сцената за интензивна „битка“.
Оваа година, конкуренцијата е пожестока од кога било досега, со раст од речиси 10% во бројот на пријавени проекти во споредба со минатата година, кои што доаѓаат од 32 различни земји. Имено, Бразил, Сингапур, Франција и Обединетото Кралство го прават своето деби во натпреварувачката група „Game Changer“, единствената категорија отворена за проекти од целиот светот. Растечката разновидност ветува уште пожесток натпревар, при што најмногу пријавени проекти доаѓаат од Украина, а веднаш потоа следуваат Полска, Турција, Унгарија, Романија, Словачка и Италија.
На овогодинешниот натпревар е исто така забележан најголемиот број на пријавени проекти во три натпреварувачки секции: „One-Channel“, „Omni-Channel“ и „Craft Drum“, што го прави искачувањето до победата уште пострмно. Најголем раст е забележан во секцијата „One-Channel“, каде „Film“ се издвојува како најуспешен медиум за оваа година, додека „Print“ и „Out of Home“ забележаа најзначаен раст во споредба со 2023 година.
Во однос на учеството на агенциите, има речиси еднаква поделба: 52% од пријавените проекти доаѓаат од етаблирани агенциски мрежи, додека 48% од проектите се пријавени од независни агенции.
Како што напредува натпреварувачкиот процес, сите очи сега се насочени кон ценетото експертско жири на Golden Drum. Со сета извонредна креативност пред нив, тие ќе имаат исклучително тешка задача, а прашањето останува – кој ќе се искачи на врвот?
Потесниот избор на финалисти ќе биде соопштен на 2. октомври во 8 часот по средноевропско време. Победниците ќе бидат откриени на доделувањето на наградите на 10. октомври во Порторож, Словенија.
Сите информации за натпреварувачкиот фестивал Golden Drum 2024 можете да ги најдете на следниот ЛИНК.
