Американската стриминг платформа Netflix ја именуваше Никол Пангис како нова потпретседателка за огласување, чија задача ќе биде да ја менаџира продажбата на огласувачки простор на пазарите во Северна Америка.
Од 2018 година, Никол Пангис беше генерална извршна директорка на напредната огласувачка агенција Ampersand, специјализирана во секторот на „адресибилната телевизија“. Благодарение на нејзините индустриски односи и оперативна позадина, од Netflix се надеваат дека Пангис ќе ја унапреди нивната стратегија за раст на приходите.
За своите нови задачи, Пангис ќе ја известува претседателката за огласување на компанијата, Ејми Рајнхард.
„Многу сум возбудена што Никол се приклучува на Netflix. Таа има голема репутација во нашата индустрија, како поради длабочината на нејзините односи со клиентите и партнерите, така и поради нејзиниот пристап базиран на податоци за стриминг огласување. Заедно, ќе продолжиме да го градиме и унапредуваме одличниот огласувачки бизнис за нашите клиенти и за Netflix“ – посочува Рајнхард.
„Задоволна сум што се придружувам на Netflix за да ја поддржам нивната мисија да го забавува светот. Со оглед на неверојатната заедница на фанови за нивните филмови и ТВ серии, Netflix е најдобро позициониран да ги стави брендовите во центарот на културата и духот на времето. Тие нудат многу влијателни и релевантни искуства за клиентите и едвај чекам да започнам со работа“ – додава новата потпретседателка за огласување, Никол Пангис.
