Јапонската агенциска групација Dentsu Group го соопшти назначувањето на Џеф Гринспун за генерален директор за глобални клиенти.
Задолжен за развој на глобалните деловни решенија насочени кон клиентите, новата функција на Џеф се надоврзува на неговата повеќе од децениска кариера во Dentsu, вклучително и како извршен директор за канадскиот пазар, генерален бизнис директор за целиот американски регион, како и претседател за глобални практики на Integrated Solutions.
Џеф, кој е еден од клучните архитекти на интегрираната стратегија, иновациите и управувањето со клиентите на Dentsu, сега ќе ја води стратегијата и визијата за глобалните клиенти на агенциската групација. Оваа витална улога овозможува сеопфатно проширување на интегрираните решенија, унапредувајќи го влијанието на клиентите додека истовремено ги зголемува приходите и профитабилноста на бизнисот.
„Експертизата на Џеф во идентификувањето и истражувањето на предизвиците на клиентите е неспоредлива, покажувајќи природна љубопитност, здружена со страст за трансформативно решение. Неговиот заразен ентузијазам промовира соработка низ бизнисот и тој постојано ја демонстрира својата способност да гради мрежи на таленти и технологија низ целиот свет кои потоа им ги става на располагање на клиентите. Од срце му честитам на Џеф за неговото унапредување и со нетрпение очекувам да ги споделувам неговите многубројни успеси во оваа нова улога“ – истакнува Хироши Игараши, претседател и генерален извршен директор на Dentsu.
Назначувањето на Џеф стапува на сила веднаш и тој останува член на глобалниот менаџерски тим на Dentsu. Покрај тоа, Џеф ќе ја задржи својата сегашна улога на генерален бизнис директор за Северна и Јужна Америка.
