На 11 и 12 јуни 2025 година, Лисабон ќе биде домаќин на 10-то јубилејно издание на Lisbon Ad Health, глобален фестивал посветен на огласувањето и комуникациите во секторите на здравството, фармацијата и производите за лична благосостојба. Ова издание претставува значајна пресвртница бидејќи за прв пат фестивалот се одржува како целосно независен настан, одвоен од Лисабонскиот меѓународен фестивал на огласувањето, со свои датуми и посебно жири.
За да се обезбеди највисоко ниво на експертиза и непристрасност во оценувањето, ќе биде составено жири од реномирани индустриски експерти. Засега, потврдени членови на жирито се: Алекс Окада (глобален генерален креативен директор на Havas Lynx, истовремено и претседател на жирито), Џенифер Ламберт (директорка за регионот на Европа, Блискиот Исток и Африка во Klick Health), Јорг Хемпелман (претседател на IPG Health за Европа, Блискиот Исток и Африка и Азиско-пацифичкиот регион, Interpublic Group), Марти Мартинез (генерален креативен директор во TANK Worldwide), Никол Дејвис (глобална генерална директорка за стратегија во VML Health), Шазиjа Кан (глобална генерална директорка за таленти и иновации во Havas). Овој тим од искусни експерти ќе го пренесе своето богатство на знаење и креативна визија на фестивалот, обликувајќи го во исклучителна прослава на иновациите во огласувањето во здравствениот сектор. Организаторите најавија дека наскоро ќе бидат откриени и остантите членови на жирито.
Ана Фирмо Фереира, извршна директорка на Lisbon Ad Health, ја истакна важноста на овогодинешното издание: „Десеттото издание на Lisbon Ad Health претставува посебен момент, дополнително потврдувајќи ја нашата посветеност да ја препознаеме и славиме најдобрата креативност во огласувањето во здравствениот сектор. Со внимателно составено жири, растечко меѓународно присуство и независен формат кој ни овозможува дополнително да го развиваме фестивалот, уверени сме дека овогодинешното издание ќе биде едно од најзапаметените досега. Со нетрпение очекуваме да бидеме домаќини на водечките таленти во индустријата и да ги претставиме најиновативните проекти во овој сектор“.
Регистрацијата за учество на Lisbon Ad Health 2025 е веќе започната, а крајниот рок за аплицирање е 30 мај 2025 година. За повеќе информации, посетете ја официјалната веб-страница на следниот ЛИНК.
