Брендот на безалкохолни пијалаци Coca-Cola објави ново продолжение на серијалот “Share a Coke” („Сподели Кока-Кола“), овој пат насловено „Who will you Share A Coke with?“ („Со кого ќе споделиш Кока-Кола?“).
Рекламата започнува со сцена во која една млада девојка влегува во продавница и ги здогледува имињата на двајца свои пријатели на шишиња Кока-Кола. Таа тогаш одлучува да ги игнорира бројните нотификации кои го „бомбардираат“ нејзиниот мобилен телефон и да организира средба со двајцата пријатели – едниот зафатен со учење, другиот со доставување пратки – предизвикувајќи ги да земат малку здив од обврските и заеднички да наздрават со Кока-Кола во ближниот парк.
„Животот е полн со работи што го одвлекуваат вниманието. Состаноци, домашни задачи, задолженија и обврски. Но, нашите најдобри спомени се создаваат кога си дозволуваме да го намалиме темпото и да се дружиме. „Споделете Кока-Кола“ е потсетник да го направите токму тоа. Пронајдете го името на пријателот, членот на семејството, саканата личност или било кој што Ви е важен во Вашиот живот за да се здружите околу ледена Кока-Кола“ – стои во описот на рекламата.
Кампањата е создадена во соработка со агенциите EssenceMediacom и WPP OpenX. Спотот е проследен со песната „Sweet Disposition“ од The Temper Trap.
