Учесниците на големиот фестивал на пазарни комуникации ќе откријат сè за креативните процеси: од креативноста и креацијата до бизнисот на идеи, од глобална препознатливост до регион кој дише креативност, Денови на комуникациите ги поставуваат клучните прашања за вредноста на креативноста, моќта на наградите, улогата на брендовите – и моќта на идеите што го надминуваат огласувањето.
Дека креативноста, сонцето и морето се непобедлива комбинација, добро знаат од Денови на комуникациите (од 15-ти до 18-ти мај во Ровињ), каде ќе се соберат агенциите, брендовите, медиумите и сите што соработуваат со нив, односно сите што го иницираат и го градат светот на пазарните комуникации.
„Учесниците ќе можат да учествуваат во рекордни 75 различни програмски содржини во текот на три дена и на дури пет фестивалски сцени, каде ќе се дружиме од утро до вечер, со теми од важност за креативната индустрија и со над вртоглави 180 говорници, што го прави фестивалот посебна можност за развој на креативниот потенцијал и на целата индустрија“ – истакнува директорката на фестивалот, Дуња Ивана Балон.
Деновите на комуникацијата отвораат простор за искрени, интензивни, понекогаш непријатни разговори, оние кои ги доведуваат во прашање границите на креативноста – низ призмата на бизнисот, културата, економијата, пазарот и автентичноста. Меѓу нив ги истакнуваме:
ЗА УЛОГАТА НА КРЕАТИВНОСТА ДЕНЕС
На панелот доаѓаат готвач, архитект, моден дизајнер, кандидат за Оскар, куратор и креативен директор… Не е шега, туку дискусија на DK2025 која го поставува прашањето: во свет кој мери сè, може ли креативноста да продолжи да нè изненадува, да ги предизвикува нормите и да ја обликува културата – или сега се очекува да биде послушна и профитабилна?
Разговорот, кој ќе ги собере врвните креативци од различни светови – од гастрономија до мода, филм и архитектура – ќе го води најнаградуваната хрватска креативна директорка и претседателка на одборот на HURA, Јелена Фишкуш (Studio Sonda), а во него ќе учествуваат номинираниот за Оскар филмски режисер и визионер на годината Небојша Слијепчевиќ; готвачот и сопственик на ресторан со Мишелин ѕвезда, Марио Мандариќ (Noel); кустосот и основач/претседател на Nomad – Хрватската канцеларија за современа уметност, Вања Жанко; познатиот моден дизајнер кој дури соработува со Бијонсе, Јурај Зигман, како и еден од најугледните хрватски архитекти и сениор партнер на Studio 3LHD, Марко Дабровиќ.
ГЛОБАЛНА ПРЕПОЗНАТЛИВОСТ: КАКО ХРВАТСКИТЕ БРЕНДОВИ ГО ОСВОЈУВААТ СВЕТОТ (powered by KONČAR)
Што е потребно за еден хрватски бренд да ги пробие границите на мал пазар и да ја освои светската сцена? Дали се работи за среќа, совршен тајминг – или храброст да се игра според различни правила? Во разговорот што го модерираат директорот за односи со јавноста, маркетинг и корпоративни комуникации на Nova TV и директорката за маркетинг и комуникации на United Media, Ивана Галиќ Бакса, своите искуства ќе ги споделат: Влатка Камениќ Јагодиќ, директорка на Секторот за маркетинг и корпоративни комуникации на KONČAR; Филип Иванишевиќ, раководител на одделот за партнерски маркетинг на Infobip; Даниел Акерман, шзвршен директор на Luppa & Degordiana, како Сања Гарај Милош, директор за корпоративен маркетинг на Podravka. Оваа дискусија ќе понуди увид во приказните на некои од најуспешните домашни брендови кои успеале на глобално ниво, не чекајќи да се усогласат ѕвездите, туку преку паметни потези, но и стратешки ризици.
КРЕАТИВНОСТ: БИЗНИСОТ НА ИДЕИ II
Зошто креативците мораат да ги оправдуваат своите идеи пред бројки и табели, а никогаш обратно? На бранот на славната теза на Рори Сатерленд на DK2023 за асиметријата на креативното и рационалното размислување, фестивалот отвора простор за важна перспектива и го поставува прашањето: дали креативноста и профитот можат да станат еднакви партнери?
На дискусијата модерирана од Ѓорѓе Јанковиќ (управен партнер и креативен директор, Friday Finally) ќе се придружат директори на агенции од целиот регион: Александра Дилевска (генерален извршен директор, Publicis Groupe Хрватска и Македонија; генерален оперативен директор, Publicis Groupe Adriatic), Тина Лугарич (ко-основач и креативен директор, Trampolin, Словенија) и Весна Бегановиќ (основач и партнер, Viamedia со канцеларии во Сараево и Дубаи), кои отворено ќе разговараат за тензијата – или можеби синергијата – помеѓу креативната страст и деловниот успех.
PPP: ЗОШТО НАГРАДИТЕ ГРАДАТ КАРИЕРИ (powered by Ožujsko pivo)
Дали наградите постојат за градење пазари, агенции и кариери – или само нечие его? Ако ги прашате победниците, наградите се бесценети. Ако не сте меѓу нив, тие често се бесмислени. Дискусијата ќе ја води хрватскиот креативец Никола Жиниќ (генерален креативен директор, Bruketa&Žinić&Grey), добитник на кански лав, заедно со елитен панел говорници кој ги обединува претседателите на жиријата на сите натпревари на Денови на комуникациите: претседателката на жирито за ефикасноста на маркетиншките комуникации на Effie Awards Хрватска, Кристина Хустиќ (директор за маркетинг, PIK Vrbovec); претседателот на жирито на најголемиот хрватски натпревар за комуникациска креативност IdejaX, Марин Остојиќ (креативен директор, ZOO agencija); претседателот на жирито на натпреварот за најдобри проекти во дигиталениот маркетинг MIXX Awards Croatia, организиран од IAB Хрватска, Нела Фегиќ Могуљак (извршен директор и раководител на дигиталниот оддел на Imago Ogilvy); претседателот на хрватското издание на меѓународната награда Young Lions за млади професионалци во индустријата, Шон Поропат (креативен директор и ко-основач, Studio Sonda); и претседателите на жирито на регионалниот натпревар за креативност BalCannes, Жарко Вељковиќ (креативен директор и ко-основач, Jazavac i Utorak / претседател на агенциското жири) и Сандра Бабиќ (уредник, новинар и раководител за развој на нови производи, Lider Media / претседател на медиумското жири).
ЗАПОЗНАЈТЕ ГИ СОСЕДИТЕ: ПРЕГЛЕД НА БАЛКАНСКИТЕ, ОДНОСНО ЈУГОИСТОЧНИТЕ ЕВРОПСКИ ПАЗАРИ
Сите заинтересирани за реалната слика на регионалниот комуникациски пазар, без филтри и разубавување, ќе можат да се приклучат на фестивалот за да ја прегледаат маркетинг сцената на пет соседни земји. Без двоумење, само со клучни трендови, реални сознанија и најважните работи што треба да ги знаете. Во 10-минутните презентации, за своите пазари ќе зборуваат: Ирена Миличевиќ Вукоја (директор на агенцијата Prefix и фестивалот No Limit BH, основач и директор на Woman.Comm Club) за Босна и Херцеговина; Лука Дубоковиќ (директор на BBDO; член на HURA и IAB Хрватска) за Хрватска; Елена Божинова (директор на креативниот оддел на IDEA Plus 360° Communications) за Македонија; Лука Бајс (извршен креативен директор на SHIFT) за Словенија; и Наташа Бојаниќ Брукнер (извршен директор, Leo Burnett) за Србија.
Од состојбата на креативноста денес до нејзината еволуција утре, истражувајќи го развојот на креацијата, каде потенцијално се соочува со предизвици и кога се менува; секој разговор ќе биде пресек на комуникациската индустрија – но и повик за акција. Покрај овие засебни теми, многу програмски содржини ќе се занимаваат и со различни аспекти на креативноста, вклучувајќи ги „Ништо повеќе не е панк“ и „Загреб те сакам“. Што е следно?“ од HDD, „Заводливоста на раскажувањето приказни“ од HUKI.
Да потсетиме, покрај одличната регионална програма, најавени се и голем број водечки светски лидери во областа на креативноста, дигиталните технологии, дизајнот, вниманието на корисниците, деловните понуди, вештачката интелигенција и бројни други теми.
Сите кои сакаат да бидат дел од ова посебно искуство од 15-ти до 18-ти мај во Ровињ, повеќе информации за учество може да најдат на www.danikomunikacija.com.
