Овогодишното издание на меѓународниот огласувачки фестивал Golden Drum ќе се одржи на 13 и 14 октомври во Порторож, Словенија.
Секцијата „СИТЕ ЖИРИЈА“ (“ALL JURIES”) се фокусира на специјални тематски групи кои го претставуваат локалниот дух, општествено добрите каузи и проектите кои демонстрираат креативен пробив, иновативна промена во процесите и процедурите што го придвижуваат развојот на огласувањето.
Поради посебната природа на овие теми, апликациите во оваа секција ќе бидат селектирани од страна на засебните жирија, а за наградите ќе одлучуваат претседателите на петте жирија и по еден претставник од секое засебно жири – избрани од организаторот.
Притоа, натпреварувачката категорија „Game Changer“, наменета за најиновативните проекти на фестивалот, е единствената отворена за апликации од целиот свет.
Жирото на сите жирија ќе биде составено од:
- Калвин Инес, генерален директор и креативен директор, JvM NERD, Обединето Кралство
- Џон Мескал, глобален креативен претседател, By The Network
- Џулија Нојман, генерален креативен директор и партнер, Le Truc, САД
- Џо-ен Робертсон, генерален извршен директор за глобални пазари, Ketchum
- Ентони Челванатан, глобален креативен партнер и генерален креативен директор, Edelman, Канада
- Кристијан Хелингер, управувачки партнер и генерален креативен директор, Wien Nord Serviceplan, Австрија
- Јенс Петер Вернес, генерален креативен директор, VML Copenhagen, Данска
- Зејнеп Тонгуч, основач и креативен директор, PEP Brand Agency, Турција
- Артур О’Нил, глобален директор за иновации, Mindshare
- Алеш Брихта, извршен креативен директор, Triad Advertising, Чешка
Повеќе информации за фестивалот Golden Drum, достапните натпреварувачки категории и начинот на пријавување, се достапни на следниот ЛИНК.
