Пред голем број на гости, со богата културна програма денес и официјално се отвори „СИМБОЛ” новиот малопродажен парк во Струмица. Овој современ објект свечено го отворија сопственците и инвеститорите г. Кирил Гогов и г. Александар Ричлиев во присуство на градоначалникот г. Костадин Костадинов.
Изграден и организиран според највисоките стандарди за ваков вид на комерцијални објекти, малопродажниот парк „СИМБОЛ“ се очекува да биде повеќе од само дестинација за шопинг и да понуди искуство кое ги спојува врвните брендови, модерниот начин на живот и забавата на едно место!
„Денес е голем и значаен ден за мене и господинот Александар Ричлиев. Со заедничка визија и желба го изградимвме овој комплекс, кој денес стана реалност. Планот за реализација требаше да се одвива во две фази, но морам да истакнам, со големиот интерес на фирмите да бидат дел од проектот, одлучивме да го изградиме во целост. Горди сме што вакви реномирани брендови, како странски, така и домашни, без двоумење веднаш се вклучија во проектот и со нивното присуство денес слободно можеме да кажеме дека Струмица добива еден нов лик кој ќе биде синоним за модерно купување во регионот. Сакам да се заблагодарам и на општина Струмица и градоначалникот Костадин Костадинов за одличната соработка. Голема благодарност кон сите изведувачи вклучени во овој проект, кои несебично со своето знаење и професионален пристап придонесоа да успееме овој комплекс да го изградиме за девет месеци. Очекувам во иднина СИМБОЛ Малопродажен Парк да стане место за уживање и да ги задоволи потребите на сите генерации“ – изјави пред присутните, сопсвеникот и инвеститорот на овој репрезентативен објект, г. Гогов.
Објектот е изграден на површина од 30.000 м2, со модерна инфраструктура, максимална фунционалност, достапен за посетителите од различни делови на Струмица и околните населени места, со соодветен паркинг и квалитетен микс од реномирани брендови.
„Горди сме што успеавме да го донесеме светот и светските брендови во Струмица, овозможувајќи на нашите сограѓани пристап до врвни производи и услуги без потреба од патувања и дополнителни трошоци. Со реализација на проектот, се отвораат од 150 до 200 нови работни места за младите од нашиот град, создавајќи можности и перспективи тука, во Македонија. Овој прв малопродажен парк надвор од Скопје е само почеток и се надевам дека ќе биде инспирација за македонските инвеститори да вложуваат во нашата земја, со што ќе придонесеме за економски развој на државата“ – изјави, г.Ричлиев сопственик и инвеститор на малопродажниот парк “ СИМОБОЛ”.
Од меѓународните брендови, меѓу кои повеќето, за прв пат во Струмица, во СИМБОЛ се присутни: JYSK, KFC, New Yorker, Sinsay, dm drogeriemarkt, Sport Vision, Sport Reality, Skechers, Play Park и Top Shop.
Од домашните компании, свои продавници отворија: Сетек, Зегин, Schatze Parfimerii, Сара Фешн, Мега Фешн, Дуки Дасо, My Time, Оптика Сфера, Oфис Плус и TSJ Silver.
“СИМБОЛ е резултат на внимателна повеќегодишна анализа и ги отсликува реалните потреби на жителите на градот Струмица и околината. Исполнети се сите предуслови за максимално успешен проект: извонредна локација, домашни инвеститори со визија, 100% изнајмен простор“ – изјавија од Cushman & Wakefield | ФОРТОНМКА, стратешки консултанти и ексклузивни агенти за проектот.
“СИМБОЛ“, е новиот симбол и обележје на Струмица, создаден за уживање во најдоброто од модата, гастрономијата, технологијата и домот!
