Втора година по ред, Interpublic Group оствари извонреден настап на американскиот фестивал „The One Show“, освојувајќи ја наградата за „Креативна холдинг компанија на годината“, додека пак FCB Global беше прогласена за „Агенциска мрежа на годината“.
Повеќе од 50 години, фестивалот „The One Show“ во Њујорк ги наградува најреволуционерните остварувања во огласувањето и дизајнот – а оваа година, Interpublic Group и нејзините агенции се истакнаа со освојувањето на врвни признанија во повеќе категории.
Победите беа предводени од FCB New York, прогласена за „Агенција на годината“ откако освои 35 златни „моливи“ – 28 од нив за својата историска кампања „Spreadbeats“ за Spotify. Агенцијата, исто така, освои награди во други категории, вклучувајќи ги: „Брендирана забава“, „Креативна употреба на податоци“, „Директен маркетинг“ и „Изработка и продукција на подвижни слики“. Покрај тоа, долгогодишното партнерство на FCB New York со огласувачот AB InBev за пивскиот бренд Michelob ULTRA им го обезбеди посакуваниот „Penta Pencil“ – награда која се доделува за петгодишна континуирана креативна извонредност помеѓу една агенција и бренд.
Агенцијата McCann London ги освои наградите за најдобри остварувања во категориите „Гејминг“ и „Односи со јавноста“ за кампањата „The Everyday Tactician“ за Microsoft/XBOX, додека пак агенцијата Area 23 беше наградена во категоријата „Радио и Аудио“ за нивната кампања „Magnetic Stories“ за Siemens Healthineers.
Вкупно, агенциите на Interpublic Group заработија 156 златни, 197 сребрени и 270 бронзени „моливи“ – дополнително зајакнувајќи ја позицијата на групацијата како лидер во креативната извонредност низ повеќе дисциплини и глобални пазари.
