На третата вечер од Меѓународниот фестивал на креативноста Cannes Lions 2025, беа прогласени добитниците во следните категории: Creative Data Lions, Direct Lions, Media Lions, PR Lions, Social & Creator Lions, како и Creative B2B Lions.
Creative B2B Lions
Од вкупно 417 пријавени проекти, доделени беа 13 награди: 2 златни, 4 сребрени и 6 бронзени. Главната Grand Prix награда ја доби кампањата „B2B: Act Like You Know“ за GoDaddy Airo, од GoDaddy, САД.
GoDaddy соработуваше со актерот Валтон Гогинс за да лансира измислен, но навидум веродостоен бизнис за очила, со цел да ја претстави својата алатка со вештачка интелигенција што им помага на малите бизниси лесно да изградат и развијат своја онлајн присутност.
Creative Data Lions
Од 597 пријавени проекти, категоријата за креативна употреба на податоците беа доделени 18 награди: 3 златни, 7 сребрени и 7 бронзени. Главната Grand Prix награда ја доби „Efficient Way To Pay за Consul Appliances“, од DM9, Сао Паоло.
Кампањата претстави нов бизнис модел за сиромашните бразилски семејства: тестирање на енергетски ефикасни апарати кои потоа се плаќаат со заштедите од сметките за струја.
Direct Lions
Од 2038 пријавени проекти во оваа категорија, доделени беа 60 награди: 10 златни, 20 сребрени и 29 бронзени. Главната Grand Prix награда ја доби „AXA – Three Words“, за AXA од Publicis Conseil, Париз.
Кампањата ги додаде трите зборови „и домашно насилство“ во најчестиот договор за осигурување во Франција, овозможувајќи им на жените полесен излез од насилни врски.
Media Lions
Од 2058 пријавени проекти во категоријата за креативна употреба на медиумите, доделени беа 66 награди: 12 златни, 22 сребрени и 31 бронзена награда.Главната Grand Prix награда ја освои „Dove Real Beauty Redefined for the AI Era“ за Dove, од Mindshare, Њујорк.
Со цел да се спротивстави на нереалните стандарди за убавина што ги наметнува вештачката интелигенција, Dove соработуваше со Pinterest за да го промени алгоритмот и да прикаже поширок спектар на убавина.
PR Lions
Од 1537 апликации во категоријата за односи со јавноста, доделени беа 44 награди: 8 златни, 14 сребрени и 21 бронзена награда. Главната Grand Prix награда ја освои „Lucky Yatra за Indian Railways“, од FCB India, Мумбај.
Со цел да се намали фрустрацијата при купување билети, секој билет од Indian Railways стана и лото-билет, додавајќи нова причина за купување базирана на длабоката културна верба на Индијците во среќата. Ова е воедно и првата Grand Prix награда за Индија во категоријата PR Lions.
Social & Creator Lions
Од 1673 пријавени проекти во категоријата за социјални медиуми и онлајн креатори на содржини, доделени беа 50 награди: 7 златни, 16 сребрени и 26 бронзени.
Главната Grand Prix награда повторно ја доби кампањата „Vaseline Verified“ за Unilever, од Ogilvy, Сингапур.
Како одговор на злоупотребата на вазелинот во популарните „хакирања“ на социјалните мрежи, оваа кампања не само што коригираше дезинформации, туку и го редефинираше начинот на кој еден традиционален бренд се појавува во свет управуван од креатори на содржини.
Специјалната награда за „Медиска мрежа на годината 2025“
- OMD Worldwide
- Mindshare
- PHD Worldwide
Сите добитници и финалисти на Cannes Lions 2025 се достапни за разгледување на платформата The Work. Повеќе информации можете да најдете на canneslions.com.
