Во рамки на Меѓународниот фестивал на креативноста Cannes Lions се одржа и глобалниот натпревар за млади креативци Young Lions 2025. Овогодинешното издание донесе историска победа за Турција, која ја доби својата прва златна награда во категоријата Marketers, додека пак Гватемала за првпат се закити со злато во категоријата Film.
Натпреварот за млади креативци Young Lions е спонзорирани од Adobe. Тој претставува вистинска прослава на глобалната креативност, каде повеќе од 400 млади професионалци добиваат можност да го покажат својот талент и достигнувања на светска сцена. Сите пријавени проекти беа оценети од страна на членови на жирито за време на фестивалот.
Медиумски партнери на Young Lions 2025 беа The News Movement, кои по втор пат придонесоа со ексклузивни видеа зад сцената и интервјуа кои ја доловуваат креативната енергија и иновацискиот дух на новата генерација таленти.
„Последниве 30 години, натпреварите Young Lions ја предизвикуваат новата генерација креативци да размислуваат смело и да создаваат идеи кои вистински одекнуваат. И оваа година беше таква. Со речиси 460 натпреварувачи од 67 земји, вклучувајќи го и враќањето на тимови од Венецуела, Уругвај и Украина, натпреварите во 2025 беа моќен потсетник за глобалниот креативен дух“ – истакнува Сајмон Кук, извршен директор на LIONS, упатувајќи честитки до сите победници во 2025 и до секој тим што се соочи со предизвикот: „Со нетрпение очекуваме да видиме што ќе донесете на следниот фестивал.“
Во продолжение следуваат победниците во натпреварот за млади креативци Young Lions 2025, по категории:
Design
Натпреварот Young Lions Design се фокусираше на создавање ефикасен, прецизен и привлечен визуелен бренд идентитет. Овогодишниот бриф беше подготвен од Museum of Art and Photography India (MAP), кој ги предизвика натпреварувачите да создадат визуелен идентитет кој ќе ја предизвика перцепцијата дека стриповите се западен, детски медиум, во пресрет на нивната нова изложба.
Злато
„IN Frame“
Џеси Шо, Senior Motion Designer, Rethink, Канада
Зои Будро, Associate Creative Director, Rethink, Канада
Сребро
„Expression Timeline“
Даниел Григоријан, Motion Designer, Holy Motors, Грузија
Нино Кавелашвили, Designer, Holy Motors, Грузија
Бронза
„Keep Calm and Frame the Scroll“
Марија Демијанјук, Brand & Motion Designer, Redkroft, Полска
Марта Гожѕевич, Brand Designer, Redkroft, Полска
Digital (спонзорирано од EY)
Натпреварот Young Lions Digital се фокусираше на создавање дигитална кампања за организацијата Bee:wild, која побара од тимовите да ја искористат перспективата на Генерацијата Z за да ги направат дивите пчели „познати“ преку едукација и колективна акција.
Злато
„THE WILDEST PROFILE“
Субин Ох, Art Director, Cheil Worldwide, Јужна Кореја
Сунми Парк, Copywriter, Cheil Worldwide, Јужна Кореја
Сребро
„Running Wild“
Јакоб Август Андресен, Creative / Copywriter, Anorak NoA, Норвешка
Свеин Вернер Лингмир, Creative / Designer, Anorak NoA, Норвешка
Бронза
„AirBnBee“
Ејми Морисон, Copywriter, M+C Saatchi, Австралија
Лаура Марфи, Art Director, M+C Saatchi, Австралија
Film
Натпреварот Young Lions Film ги предизвика тимовите да создадат 60-секунден филм за само 48 часа. Оваа година, организацијата Ovarian Cancer Action побара од учесниците да создадат моќен и охрабрувачки филм за Светскиот ден за оваријалниот карцином (8 мај 2026).
Злато
„Victoria has a Secret“
Ана Паула Ескобар Фарингтон, Creative Director, El Taier DDB, Гватемала
Диего Леонел Апен Дијаз, Art Director, El Taier DDB, Гватемала
Сребро
„Two Centuries Too Long“
Паула Андропулус, Writer, TBWA/Hunt/Lascaris JHB, Јужна Африка
Хомоцо Макото, Art Director, TBWA/Hunt/Lascaris JHB, Јужна Африка
Бронза
„FROM UNDERSEEN TO UNDERSTOOD“
Беатрис Роке, Creative Art Director, BBDO, Португалија
Жоао Бронзе, Creative Copywriter, BBDO, Португалија
Media
Натпреварот Young Lions Media се фокусираше на тоа како младите професионалци користат стратешко размислување и иновативни пристапи за да ја ангажираат публиката и поттикнат позитивна промена. Брифот и годинава го даде Ovarian Cancer Action, со цел развој на глобално применлива медиумска идеја која ќе ја зголеми свесноста за оваријалниот карцином.
Злато
„Hidden in plain sight“
Ангелика Марцинкевичиуте и Маја Скауг Вирум – GROUPM, Норвешка
Сребро
„Below the Belt“
Дана Натансон и Морган Мекалистер –Initiative, САД
Бронза
To Be Cracked
Семјуел Дејвид-Дурошер и Тристан Боно-Парент –Cossette Media, Канада
Marketers
Натпреварот Young Lions Marketers се фокусираше на основите на креативната работа. Braille Institute побара од учесниците да го редефинираат имиџот на нивната институција и да ги поттикнат лицата со оштетен вид да побараат поддршка.
Злато
„Lines of Resistance“
Седеф Селџан Озџан и Селда Озтурк – Kenvue, Турција
Сребро
„Signal For Sight’
Џени Ким и Кира Спенсер – Google, Австралија
Бронза
„The better you see it, the more you taste it.“
Бруна Рока Гарсија и Нахоми Варгас – Kraft Heinz, Шпанија
PR
Натпреварот Young Lions PR бараше од учесниците да создадат иновативна ПР-стратегија. Брифот повторно дојде од Bee:wild, со предизвик да се мотивираат градоначалници да ги претворат своите градови во средини погодни за опрашувачки инсекти.
Злато
„The Silent B“
Ранем Салех и Јусеф Јамин – Burson, MENA
Сребро
„CONSTRUCTION WORKER BEES“
Луис Говиндин и Реми Винсент – Weber Shandwick, Франција
Бронза
„Build the Buzz“
Адам Ректор Поланек и Јакуб Вија – Hero and Outlaw, Чешка
Натпреварот Young Lions Print ги предизвика младите креативци да создадат впечатлива и уникатна принт реклама. Брифот дојде од Bee:wild и бараше креации кои ќе ја промовираат колективната акција за обновување на природата и враќање на пчелите во екосистемите.
Злато
„The world needs more time“
Карлос Артуро Орхуела Торес и Николас Кастро Бариос – Sancho BBDO, Колумбија
Сребро
„You Should Be Scared Too“
Ана Софија Валдез Бланко и Фатима Алехандра Квироз Алдерете – GUT Мексико
Бронза
„Forbees“
Кики Кнупс и Јаша Путс – DDB Amsterdam, Холандија
Сите победници се достапни за разгледување преку платформата The Work. Повеќе инфоромации за натпреварот за млади креативци се достапни на следниот ЛИНК.
