Отворени се апликациите за Epica Awards, единствениот креативен натпревар во светот каде пријавените проекти ги оценуваат исклучиво новинари и уредници на специјализирани медиуми за маркетинг индустријата од целиот свет.
Раните пријави траат до 31 август, додека пак редовниот рок за пријавување завршува на 11 октомври. Доделувањето на наградите ќе се одржи онлајн на 12 декември.
За претседателка на жирито за 2025 година е именувана Клер Бриџис, основач на британската советодавна и едукативна агенција Now Go Create.
Клер Бриџис е авторка, водителка на поткаст и поранешна раководителка на магистерската програма во рамки на фестивалот Cannes Lions, а воедно и една од првите жени креативни директорки во областа на односите со јавноста. Меѓу нејзините клиенти се Netflix, Disney, Pret A Manger и Обединетите нации.
„Дали приказната е убедлива? И дали ја надминува самата огласувачка индустрија? Новинарите пристапуваат кон оценувањето на креативните проекти од поширок агол и често пообјективно. За разлика од оние кои се дел од индустријата, поретко се водени од внатрешни политики, ривалства или моментални трендови“ – коментира Бриџис по повод нејзиното именување како претседателка на жирито на Epica Awards 2025.
Повеќе информации за натпреварот се достапни на следниот ЛИНК.
