Глобалната кантри-ѕвезда Шанија Твејн се здружи со McDonald’s Canada во кампања која ги спојува храната и стилот. За ограничен период, McDonald’s ќе нуди специјални оброци подготвени во нејзин стил и дополнети со уникатен сувенир – приврзок во форма на каубојска чизмичка.
По лето исполнето со бројни јавни настапи, вклучувајќи ја и улогата на „Маршал на парадата“ за време на каубојскиот фестивал „Calgary Stampede“ во канадскиот град Калгари, пејачката ја заокружува сезоната со ова ново партнерство кое ја истакнува нејзината личност како вистинска национална икона.
Притоа, новата кампања има лично значење за Шанија Твејн. Пред да стане глобална музичка ѕвезда, таа работела во ресторан на McDonald’s во Торонто. „Ова е како враќање дома за мене,“ вели Шанија, нагласувајќи дека е возбудливо да го „костимира“ нејзиниот омилен McDonald’s помфрит со свој личен печат.
„Со оваа кампања внесуваме дополнителна радост и стил во нашите ресторани,“ посочува Франческа Кардарели, генерална маркетинг директорка на McDonald’s Canada. Таа додава дека проектот ја слави врската меѓу два омилени брендови на канадските потрошувачи – McDonald’s и Шанија Твејн.
Кампањата ќе биде проследена со промотивни активности кои го истакнуваат духот на Шанија и омилените вкусови на потрошувачите, а специјалното „Шанија Мени“ ќе биде достапно во избрани ресторани на McDonald’s низ Канада, како и преку платформата за достава McDelivery.
