Денес започнува Weekend.18, најзначајниот регионален фестивал за комуникациската и креативната индустрија, кој годинава го слави своето полнолетно издание. Од 18 до 21 септември, Ровињ повторно ќе биде место на средба за водечките светски и регионални лидери од светот на медиумите, бизнисот, технологијата и креативните индустрии.
Weekend.18 оваа година носи шест фестивалски целини. HR.Weekend се одржува по трет пат и низ дводневна програма отвора клучни теми за човечките ресурси и новите модели на работа. Finance.Weekend, кој дебитираше минатата година, сега првпат се одделува како самостоен фестивал и трае два дена. Новитети во програмата се Investment.Weekend и Energy.Weekend, кои ќе се одржат во петок, а во сабота се враќа AI.Weekend, второто издание посветено на вештачката интелигенција.
Посетителите на Weekend.18 ги очекува низа предавања и дискусии, од глобални до локални теми. Дино Бурбиџ, основач и директор на креативно-иновацискиот консалтинг „Dinova“, ќе ги открие тајните на најкреативните и најефективни светски кампањи. Јохен Тутин, извршен директор на Chery Europe, заедно со Ивица Бакота, автор на книгата „The Great Return – Development of Modern Chinese Foreign Policy Thought“ и кинескиот амбасадор во Хрватска, Чи Цијанѓин, ќе разговараат за тоа како ја разбираат современата Кина и нејзината улога на глобалната сцена.
На Weekend.18 ќе се зборува и за врската меѓу спортот и менаџментот. Адријан Јежина, претседател на Управниот одбор на Телеком, Пит Радович, потпретседател на продукција и креативен директор на CBS Sports и Дамјан Рудеж, директор на Sunset Sports Festival, ќе дебатираат за тоа дали спортското искуство може да биде темел за развој на менаџерски вештини. За улогата на брендирањето во спортот ќе зборуваат и олимписката вицешампионка Ивана Анѓушиќ Максимовиќ, спортска директорка на Олимпискиот комитет на Србија, поранешната кошаркарка Соња Васиќ и Гордана Дулиќ, маркетинг менаџерка на Skechers CEE.
Посебно внимание ќе му биде посветено на Moneterra – Музејот на парите на Хрватската народна банка. Петра Шпарица, музејски педагог и Јосип Брадарич, музејски интерпретатор, ќе зборуваат на панелот за важноста на финансиската писменост. За автентичноста на хрватскиот туризам, под покровителство на Хрватската туристичка заедница, ќе дебатираат Мартина Срнец, директорка на секторот за маркетинг и комуникации при ХТЗ, Андреа Буџа, авторка и режисерка на документарни серии на ХРТ и Марк Томас, новинар, уредник и медиумски консултант.
Покрај богатата дневна програма, Weekend.18 традиционално нуди и незаборавни вечерни забави по кои фестивалот е препознатлив. Првата забава започнува уште во четврток навечер, а од петок до сабота, Ровињ ќе пулсира во ритамот на настапите на познати музички изведувачи и диџеи на повеќе сцени, со специјални роденденски програми со кои ќе се одбележат 18 години фестивал.
Во четврток сè започнува со funk-soul загревање со легендата Тихомир Поп Асановиќ и пријателите, а за роденденската атмосфера ќе се погрижи DJ Станко Бонџа. Петок ќе донесе три сцени и три музички доживувања – DJ Урош, потоа спектаклот „Welcome to the O-Universe“ на Џекс Џонс со DJ Џеј Цимерман. Сабота ќе биде во духот на 90-тите – вечерта ќе ја отвораат The Swingersi, а потоа следува „Oops!… we did the 90’s party“ со Тајчи, Минеа, Влатка Покос, Ивана Банфиќ и Илан Кабиљо, додека Бонџа и овој пат ќе го затвори танцовиот подиум.
За полесна навигација и планирање на програмата, достапна е апликацијата My.Weekend, а важно е да се напомене дека фестивалот е целосно безготовински, плаќањето се врши исклучиво дигитално. Со Mastercard и Aircash посетителите можат да добијат попусти и дополнителни поволности.
Weekend.18 – сите индустрии, сите трендови и сите луѓе на едно место. Се гледаме во Ровињ!
