Водечкиот регионален медиумски настан SEMPL секоја година привлекува повеќе од 700 лидери во маркетингот, медиумите и комуникациите од Централна и Југоисточна Европа. Сите тие ќе се најдат на едно место на 27 и 28 ноември во Порторож, а како и минатата година, конференцијата во Grand Hotel Bernardin ќе ја води Ида Престер, што гарантира спој на сериозна деловна содржина и опуштена, пријателска атмосфера.
Доколку сакате да останете во тек со најновите светски трендови во медиумите, да дознаете повеќе за врвните иновации во индустријата или да завирите во иднината на бизнисот, тогаш SEMPL е конференција што мора да ја посетите.
Секоја година во Порторож нудиме единствена можност да се спојат светските трендови и регионалните искуства. SEMPL е доволно голем за да ја проширите вашата мрежа на контакти, а истовремено доволно интимен за да можете да го поканите вашиот омилен говорник на кафе. Оваа година сакаме да покажеме дека и најмалите детали може да се претворат во големи можности. Имено, успехот не се крие само во големите чекори, туку и во способноста да ја препознаеме силата на скриените детали и да ги претвориме во шанса. Токму тоа ќе биде главната насока на 24. издание на SEMPL – порачуваат организаторите.
Со прекрасен поглед кон морето ќе се одржат панели и работилници осмислени да ја унапредат способноста за препознавање деловни можности, а ќе бидат претставени и примери на брендови кои со помош на одредени детали успеале да ја надмудрат конкуренцијата.
Но тоа не е сè! SEMPL годинава на својата сцена ќе донесе вистински светски лица, бидејќи меѓу говорниците ќе бидат и глобално познатите имиња како Дејмон Бејкер и Тамлин Рајт. Дејмон е реномиран фотограф познат по своите интимни портрети на славни личности, меѓу кои Селин Дион, Тејлор Свифт, Дамијано Давид, Сидни Свини и Никол Кидман, додека Тамлин е истакната креативна продуцентка и сценографка која учествувала во реализација на најголемите телевизиски проекти како Super Bowl, Oscar и Grammy, а била дел и од турнеи на светски ѕвезди како Тејлор Свифт, Кејти Пери, Мајли Сајрус, Џонас Брадрес и Селена Гомез.
Особено внимание ќе привлече и хрватскиот панел, модериран од Едина Пршиќ Бабиќ, на кој ќе учествуваат медиумските експерти Ана Сршен, Ивона Чуло и Мартин Копрек. Панелот ќе се фокусира на прашањето кој денес навистина го обликува јавниот дискурс: уредниците, ПР-стручњаците, огласувачите или алгоритмите – и како вештачката интелигенција ја менува улогата на комуникаторите.
Конференцијата и оваа година ја следи престижното натпреварување SEMPLER за најдобрите проекти во областа на медиумите, комуникациите и маркетингот, кое се доделува во 11 категории. За победниците одлучува меѓународно жири составено од домашни и странски професионалци, чија претседателка е Ива Ѓурковиќ. Оваа менаџерка од Србија, со диплома по филмски, ТВ и медиумски студии од Универзитетот во Окленд, Нов Зеланд, во својата 20-годишна кариера во медиумската индустрија работела на реалити ТВ програми емитувани низ целата регија.
Целосната програма и дополнителни информации се достапни на официјалната страница на конференцијата, каде што сè уште можете да ги набавите вашите влезници, на следниот ЛИНК.
