’Се ќе биде исто. И сите ќе бидат исти. Ако сме сите исти, тогаш како ќе научиме нешто едни од други!’
Ова се зборовите на еден испитаник кој учествуваше во студијата „вистината за глобалните брендови“ на експертскиот центар McCann Truth Central. Оваа студија, спроведена во околу 30 земји низ целиот свет, се занимава со односот на граѓаните спрема феноменот на глобализацијата и начинот на кој брендовите можат успешно да освојат нови пазари следејќи го овај бран. Студијата покажува дека мислеањата за глобализацијата се поларизирани – додека некои како споменатиот испитаник имаат негативен став, други се оптимисти, па дури и ја идеализираат сликата на глобалниот свет во кој луѓето сите заедно ги решаваат планетарните проблеми и ги слават меѓусебните сличности (и разлики).
Спема мислењето на испитаниците на оваа студија, најпозитивната страна на глобализацијата е можноста за запознавање на нови култури и откривање на поинакви начини на живеење, но од друга страна најголемиот страв кој го донесува глобализацијата е губењето на идентитетот и културата на сопствениот народ! Ова е важна порака за глобалните брендови дека и понатаму е на сила принципот – “Мисли глобално, делувај локално“односно длабоко запознавање на локалната култура и јасно дефинирање во која мера брендот треба да се однесува глобално, осносно локално.
Би помислиле дека овај принцип е веќе добро познат и усвоен, особено од страна на брендовите кои веќе долго време работат на глобално ниво. Меѓутоа и најдобрите грешат. Би го споменале примерот на брендот IKEA кој во каталогот на пазарот за Обединетите Арапски Емирати не знаејќи како да ги претстави жените од муслиманска вероисповед, едноставно одлучи да ги отстрани од фотографиите. Овај погрешен потег иако на локално ниво, во денешната доба на хипер поврзаност, брзо доби глобален карактер и предизвика бура ширум светот.
Споменатата студија исто така покажува дека во контекст на глобализацијата на прифаќање одреден бренд, не влијае само локалната култура и специфичноста на пазарот на кој тој се пласира, туку и земјата од која брендот потекнува, категоријата во која работи, целната група, индивидуалниот став на потрошувачите спрема глобалните брендови итн.
Еве наколку интересни податоци од студијата која го поткепува ова:
Највисоко ниво на доверба во глобалните брендови имаат купувачите од Средниот Исток, а најмало жителите на Јапонија.
Глобално потрошувачите имаат најголеми приоритети кон локалните брендови кога е во прашање финансискиот сектор и категоријата храна и пијалоци. Од друга страна глобалните брендови имаат најголема предност во областа технологија.
Демографските карактеристики на целната група исто така можат да го одредат ставот спрема глобалните брендови
Иако глобализацијата наголемо зеде свој замав и веќе се акумулира многу знаење и примери од праксата како еден бренд треба, односно не треба да настапува на нов пазар, се чини дека има уште многу да се научи. Еден од добрите пристапи при влегувањето на нов пазар е и поставувањето на стратегија која не одговара на прашањето – “Дали ова ќе работи во Аргентина“, туку “Дали ова работи за Аргентина“ и “Што ние можеме да научиме од Аргентина“. Затоа што на крај, вие сте гостин на новиот пазар. За добар однос со домаќините, би требало да се однесувате како добар гостин, а тоа подразбира да покажете почит, да не правите неред и да се исчисти зад себе, и на крај но никако и помалку важно …
Да бидете интересни, бидејќи никој не сака досадни гости!
