Cannes Lions, интернационалниот фестивал за креативност, го соопшти воведувањето на Lions Entertainment, нова програма со која преку звук и слика ќе ги приближи брендовите и креативците, препознавајќи и признавајќи ги атрактивните содржини преку новите Entertainment Lions и Entertainment Lions for Music награди.
Cannes Lions 2016 ќе се одржи осум дена, од 18 до 25 јуни, и ќе ги опфаќа Lions Health, Lions Innovation и новата Lions Entertainment.
Lions Entertainment програмата на едно место ќе ги собере платформите кои го реоткриваат потрошувањето, студиата кои се адаптираат на каналите на дистрибуција и брендовите кои создаваат оргинални и привлечни содржини. Во јадрото на Lions Entertainment ќе бидат две Lions категории: Entertainment Lions и Entertainment Lions for Music
Според Филип Томас, CEO на Lions Festivals, Entertainment Lions ќе ја замени моменталната Branded Content & Entertainment Lions категорија за “да се сконцентрираат на она што е важно”. “Категоријата растеше експоненцијално од нејзиното воведување пред четири години, но не е тајна дека Branded Content & Entertainment немаше Grand Prix веќе две години”, продолжи Томас. “Клиентите ни кажуваат дека забавата претставува голем дел од индустријата и дека кампањите мора да бидат пoкреативни, затоа донесовме одлука која се одразува на ова, вниманието да се насочи кон Забавата”.
Џае Гудман, CCO и Co-Head на CAA Marketing, добитник на Branded Content & Entertainment Grand Prix од 2012 година, верува дека “Entertainment Lions ја одразува потребата на маркетерите да се пренасочат од создавањето на содржини кои ја нарушуваат Забавата, кон самото создавање на забавни содржини. Секако, Забавата од еден бренд треба да биде нешто повеќе од обично забавување, таа треба да придонесува кон бенефитот на брендот и да носи бизнис резултати. Брендовите и агенциите кои ќе победуваат во оваа категорија на сите нам ќе ни ја покажат блиската иднина на маркетингот.”
За една година, Entertainment Lions програмата ќе ги покрива сите форми на аудио-визуелна забава, искуства во живо, гејминг, спорт и друго. Бидејќи музиката претставува еден толку голем дел од равенката, Фестивалот создаде специјален ‘лав’, со сопствено професионално жири. “Ова беше нешто за што се правеа кампањи и беше дизајнирано од музичката и креативната индустрија. Визијата е дека како што повеќе гранки од оваа динамична индустрија созреваат, другите области кои моментално се под Entertainment Lion би можеле да станат доволно значајни за нив да бидат воведени нови ‘лавови’. Ние се обидуваме да еволуираме заедно со индустријата”, вели Томас.
Додавајќи на ова, Расел Валаш, Претседател на Live Nation Media & Sponsorship, забележува дека “Моќта на музиката да создава меморабилни бренд искуства кога артистите и маркетерите ќе станат партнери е доказ на тоа колку добро забавата и адвертајзингот се вклопуваат меѓусебе. Воведувањето на Lions Entertainment е логичен чекор.”
Lions Entertainment ќе се одржи како дел од Cannes Lions на 23 и 24 јуни во Кан, Франција. Повеќе информации за регистрирацијата за настанот може да се најдат на www.canneslions.com.
