Одделот на Publicis Groupe за Централна и Источна Европа (Publicis Groupe CEE) неодамна го назначи Адам Најклс за извршен директор за податоци во Publicis Le Pont.
Назначувањето е проширување на постоечките одговорности на Адам како извршен директор на агенцијата Kindred, дел од Publicis Groupe Чешка. Тој ќе соработува со менаџерскиот тим на Publicis Le Pont и локална група експерти за пазарни податоци во насока на развивање на иновативни, ефикасни и првенствено податочни решенија за клиентите.
Назначувањето на Адам, приклучувајќи се на тимот на Габриел Забушек, извршен директор на Publicis Groupe CEE и Publicis Le Pont, е уште еден доказ за посветеноста на Publicis Groupe CEE кон зајакнувањето на своите податочни и технолошки способности.
„Податоците се суштината на сè што правиме за нашите клиенти денес. Да се има можност да се работи со проширен тим експерти за податоци, за да се осигураме дека нудиме податоци со поголеми можности, е навистина возбудливо. Кога зборуваме за податоци, „повеќе податоци“ не мора да значи „повеќе резултати“; Посветени сме на обезбедување силна стратегија за имплементација на маркетинг технологии и системи за управување со податоци во организациите на нашите клиенти за да ги поттикнеме пазарните промени кои се темелат на податоци“ – истакна Адам Најклс.
