Агенциската мрежа McCann Worldgroup го назначи Алекс Лопез за претседател и глобален генерален креативен директор.
Лопез доаѓа од Nike каде низ годините држел повеќе лидерски позиции, вклучувајќи потпретседател за глобален маркетинг, креативен директор за машките производи, како и соосновач и глобален директор на продукциското студио на Nike, Waffle Iron Entertainment.
Во текот на повеќе од две децении поминати во Nike, Лопез бил одговорен за некои од најпрепознатливите кампањи на брендот како “Dream Crazy” и “You Can’t Stop Us”.
Тој претставува еден од најнаградуваните креативци во светот, со стотици креативни награди, вклучувајќи две Emmy награди, осум Grand Prix награди на Cannes Lions и црн молив на D&AD.
Негови дела се исто така додадени кон постојаната поставка на Музејот на Модерна Уметност во Њујорк.
Претседателот и генерален извршен директор на McCann Worldgroup, Бил Колб, истакна дека назначувањето на Лопез ќе ѝ овозможи на агенциската мрежа да ја „редефинира улогата на генерален креативен директор“.
