Медиумската куќа Al Jazeera Balkans ја освои Eutelsat наградата People`s Choice во категоријата “News channel“ . Жирито на Eutelsat TV наградите, со кое претседаваше повекекратно наградуваниот новинар на RAI Џулио Џиамарија, во септември во Париз ги одбра финалистите на овогодинешните награди. За наградата оваа година конкурираа повеќе од 100 канали од 27 земји.
На гала свеченоста одржана во петокот вечерта во Рим, наградата од Michael de Rosena, генералниот директор на Eutelsat ја прими Tarik Đođić, генералниот директор на Ал Џезеира Балкан. На церемонијата за доделување на наградите присуствуваше и Goran Milić, директорот на Вестите и програмата на Ал Џезеира Балкан, како и репортерот Marin Veršić.
“Кога пред 20 години во мојата земја, во Босна и Херцеговина, заврши војната, ние сонувавме да играме во било каква лига, бидејќи тогаш се беше уништено: стадионите, спортските терени, телевизиите, луѓето, многу животи…Помина време и дојде новиот сон: да се игра во некоја европска лига. И денес, вечерва, играме со најдобрите. И не само што играме, туку еве и победуваме во финалето од Лигата на Шампионите, заедно со нашите колеги од другите земји“, изјави г-дин Tarik Đođić.
Разноврсноста, имагинацијата, храброста, креативноста и вонсерискиот квалитет се само некои од каректеристиките на каналите кои со одлука на меѓународното жири беа одбрани за финалисти на Еутелсат ТВ наградите.
“После само четири години во етерот, и после, наизглед, неможната мисија за емитување на четири јазици од југоисточна Европа, покривањето на простор каде војните, агресиите, геноцидите, мигрантите се во многу јасно сеќавање, беше скептично дочекана, а потоа со растечки ентузијазам профатена, наградата на публиката за Ал Џезеира Балкан е голем мотив и потврда дека сме на добар пат. И благодарам на публиката!“ – изјави директорот на вестите и програмата на Ал Џезеира Балкан, г-дин Горан Милиќ.
Во категоријата “News Channel“ каде главната награда и припадна на Ал Џезеира Балкан, во финалето се натпреваруваа уште и CCTV News, Euronews, France24, i24 News, M1, n-tv и Rai News 24.
Eutelsat-овата награда People`s Choice е стартувана во 2005 година и на гледачите ширум светот им овозможува да гласаат за својот омилен канал. Наградата се доделува во осум категории, вклучувајќи news канали, како и документарни, спортски и музички.
