Американскиот одбранбен и воздухопловен гигант Lockheed Martin започна ревизија на своето креативно агенциско портфолио, како дел од пошироките напори за унапредување на својот бренд и комуникациска стратегија и нивно соодветно прилагодување на современите барања.
Процесот ќе го води консултантската компанија Harmonium, која ќе биде одговорна за селекција и евалуација на потенцијалните агенциски партнери.
Актуелен креативен партнер на Lockheed Martin е агенцијата McCann Detroit. Ревизијата во случајот не значи нужно промена, туку отвора можност за проценка на постојната соработка и можностите за нејзино надградување.
Ревизијата доаѓа во контекст на пошироки промени во одбранбениот и воздухопловниот сектор, каде што брендовите сè повеќе настојуваат да бидат иновативни, транспарентни и поангажирани кон јавноста и партнерите.
Lockheed Martin важи за една од водечките светски компании во областа на одбраната и воздухопловството. Во 2024 година, компанијата остварила приходи над 71 милијарди американски долари и вработува околу 121.000 луѓе на глобално ниво.
