По повод овогодинешниот Светски ден на тестенините, популарниот италијански бренд Barilla започна дигитална кампања со која го промовира одржливото готвење на тестенини преку повторна употреба на остатоците од претходниот оброк.
Во соработка со агенцијата Publicis Italy/LePub, брендот за тестенини си постави задача да им покаже на своите следбеници на социјалните мрежи како можат да ги претворат тестенините од минатиот ден во вкусни оброци.
„Светскиот ден на тестенините не се однесува само на прославата на тестенините. Тоа е совршен момент да им се даде втор живот“, истакна компанијата на Инстаграм.
View this post on Instagram
Со постојано зголемување на трошоците за живот, темата за заштеда на храна се наметнува природно. Притоа, американското Министерство за земјоделство проценува дека 30% до 40% од храната која се произведува всушност не се консумира – туку се фрла.
Токму во еден таков контекст доаѓа до израз важноста на одржливото готвење, а Barilla се стреми да ја предводи иницијативата со кратки видеа на социјалните мрежи инспирирани од долгогодишната италијанска традиција на создавање нови рецепти од преостанати јадења со тестенини.
View this post on Instagram
Компанијата исто така ги предизвикува обожавателите да ги смислат најкреативни начини за „ремикс“ на вчерашниот ручек, собирајќи ги рецептите од некои од најпопуларните кулинарски креатори на интернетот во посебен дигитален готвач. Бидејќи, како што посочуваат од Barilla: „Тестенините секогаш заслужуваат втора шанса!“.
