Нова, возбудлива соработка на македонските модни брендови “Be.” и NOIRÉ. Како дел од овој тим, Сара Дамчевска ги дизајнираше визуелните елементи пресликани од делата на Башески на палтата и капутите на “Be.”
Тимовите на “Be.” x NOIRÉ го претвораат локалното уметничко наследство во нослива уметност. Овојпат, во фокусот се автентичните дела на македонскиот вајар Жарко Башески, кои преку уникатни принтови и дизајни добиваат нов живот на капути и мантили.
„Голема чест ни е што креациите на “Be.” го привлекоа вниманието на тимот на NOIRÉ, а делата на Башески совршено се вклопија во нашата визија за брендот. Соработката го слави спојот на модата и уметноста, притоа зачувувајќи ја суштината на локалната култура. Секој примерок е приказна – внимателно создадена и раскажана низ визуелни елементи кои ја истакнуваат индивидуалноста и автентичноста” – изјави Билјана Силјановска, еден од основачите и моден дизајнер на “Be.”.
„Локализирана игра на уметност и мода“ – тоа е она што “Be.” x NOIRÉ го носат на модната сцена, укажувајќи дека стилот е повеќе од тренд – тој е израз на културен идентитет.
Разгледајте ја фотогалеријата во продолжение, низ објективот на Мартин Трајановски:
За повеќе, заследете ги официјалните Инстаграм страници на “Be.” и NOIRÉ.
