Ова не е време кога треба да се остане тивок како бренд. Според истражувањето на Светската Федерација на Огласувачи, 80 проценти од мултинационалните компании ги одложуваат кампањите, но во истиот број создаваат и нови содржини како одговор на кризата.
Да молчите?: Или како што би рекла поговорката, “да бидете ној со глава закопана во песок?”
Да, кога не знаете што да кажаете (или да сторите), најлесно е да се молчи. Да биде непријатно тивко. АЛО Брендови, ние знаеме кои сте и Вашето игнорирање значи и ние да ве игнорираме кога ќе дојдеме на касата. Според Коронавирус извештајот на Edelman Trust, кој се однесува на 12,000 луѓе низ целиот свет, 65 проценти од луѓето велат дека начините на тоа како брендовите реагираат на пандемијата ќе има „огромно влијание“ врз нивната веројатност да ги купат или не нивните производи. Ова е масовно.
Да викаат од покрив??
Ова е криза, војна против коронавирус, дали навистина мислите дека треба да ја слушаме емотивната порака на надеж и оптимизам исполнет со виолина, во кој има прекрасни снимки на производи??
Правење на тоа што треба, кога и да треба!
Овозможување на другите да станат херои
О, да. Во време на криза има потреба од херои – не само слатки зборови и пијано музика. Драги брендови, внимавајте кога ќе посакате да облечете наметка на суперхерој, бидејќи можете да изгледате како “конзерва”. Наместо тоа, истражете како можете луѓето да ги направите херои!
Убав пример прави Веризон со акцијата PayForwardLIVE, каде е домаќин на големи имиња во забавната индустрија кои ги охрабруваат луѓето да купуваат дигитални подарок-картички со кои ќе ги поддржат локалните бизниси.
Бидете пријател за време на добрите – и лошите времиња
Се смеев, понекогаш бев смирен и импресиониран од креативноста и храброста на луѓето за време на овие времиња, почнувајќи од забавните онлајн мемиња па до Италијанците кои пеат заедно од нивните балкони. Ако вашата агенција за рекламирање или одделот за маркетинг се откажа од креативноста, тогаш дајте им ја сцената на луѓето, микрофонот или придружната палка. Не влегувајте во “херој стапицата”, туку истражете какви значајни улоги може да игра вашиот бренд; сега целта е да биде корисен, да понуди момент на нормалност или да им помогне на луѓето да си помогнат едни на други. Ова е она што се вели: пријател; за време на добри и лоши времиња.
Автор: Томас Колстер, основач и креативен директор на агенцијата Goodvertising од Копенхаген, Данска
